സി.പി.ഐ.എം ജില്ലാ സമ്മേളനം: പൊതുസമ്മേളനം നാളെ, റെഡ് വളണ്ടിയര്‍ മാര്‍ച്ച് ക്രമീകരണങ്ങള്‍ ഇങ്ങനെ
വടകര: സി.പി.ഐ.എം 24-)ാം പാര്‍ട്ടി കോണ്‍ഗ്രസിന്‌ മുന്നോടിയായുള്ള ജില്ലാ സമ്മേളനത്തിന്റെ ഭാഗമായി നാളെ വടകരയില്‍ നടക്കുന്ന ചുവപ്പ്‌സേന മാര്‍ച്ചില്‍ പങ്കെടുക്കുന്ന വളണ്ടിയര്‍മാരുമായി വിവിധ ഏരിയകളില്‍ നിന്ന് എത്തുന്ന വാഹനങ്ങളുടെ പാര്‍ക്കിങ്ങ് ക്രമീകരിച്ചു.
റെഡ് വളണ്ടിയര്‍ മാര്‍ച്ച് ക്രമീകരണങ്ങള്‍ വിശദമായി
1-ജൂബിലി കുളത്തിന് സമീപം
ഏരിയാ കമ്മിറ്റികള്‍: വടകര, ഒഞ്ചിയം, നാദാപുരം, കുന്നുമ്മല്‍
ഇവിടെ നിന്നും വരുന്ന വളണ്ടിയര്‍മാരെ ജൂബിലി കുളത്തിന് സമീപം ഇറക്കിയതിന് ശേഷം വളണ്ടിയര്‍മാരുടെ വാഹനങ്ങള്‍ വടകര പഴയ ബസ് സ്റ്റാന്റിന് സമീപം കോട്ടപ്പറമ്പില്‍ പാര്‍ക്ക് ചെയ്യുക.
ഈ ഏരിയ കമ്മിറ്റികളില്‍ നിന്നുള്ള ബഹുജന റാലിയില്‍ പങ്കെടുക്കുന്ന പ്രവര്‍ത്തകരുടെ വാഹനങ്ങള്‍ ദേശീയപാതയിലെ ആശാ ഹോസ്പിറ്റലിന് സമീപം ഇവരെ ഇറക്കിയതിന് ശേഷം വടകര – വില്ല്യാപ്പള്ളി റോഡില്‍ സൂര്യ ടെക്‌സ്‌റ്റൈയില്‍സിന് അപ്പുറമായി വില്യാപ്പള്ളി റോഡില്‍ പാര്‍ക്ക് ചെയ്യണ്ടേതാണ്. (വടകര ഗവണ്‍മെന്റ് ഹോസ്പിറ്റല്‍ റോഡില്‍ പാര്‍ക്ക് ചെയ്യാന്‍ പാടുള്ളതല്ല).
2- കരിമ്പനപ്പാലം
ഏരിയാ കമ്മിറ്റികള്‍: പയ്യോളി, കൊയിലാണ്ടി, കോഴിക്കോട് നോര്‍ത്ത്, സൗത്ത്, ടൗണ്‍, ഫറോക്ക്‌, കക്കോടി, കുന്ദമംഗലം
ഈ ഏരിയാ കമ്മിറ്റികളില്‍ നിന്നുള്ള വളണ്ടിയര്‍മാരെ കരിമ്പനപ്പാലത്ത് സി.പി.ഐ.എം ഓഫീസിന് സമീപം ഇറക്കിയതിന് ശേഷം ദേശീയ പാതയുടെ കിഴക്ക് ഭാഗത്ത് സര്‍വ്വീസ് റോഡിലാണ് പാര്‍ക്ക് ചെയ്യേണ്ടത്.
ബഹുജനറാലിയില്‍ പങ്കെടുക്കുന്ന പ്രവര്‍ത്തകരുമായി വരുന്ന വാഹനങ്ങള്‍ കരിമ്പനപ്പാലത്ത് ആളെ ഇറക്കിയതിന് ശേഷം സമീപത്തുള്ള കെ.ടി.ഡി.സി ഗ്രൗണ്ടില്‍ വാഹനങ്ങള്‍ പാര്‍ക്ക് ചെയ്യണം.
3- മേപ്പയില്‍ ഓവ് പാലത്തിന് സമീപം
ഏരിയാ കമ്മിറ്റികള്‍ – പേരാമ്പ്ര, ബാലുശ്ശേരി, തിരുവമ്പാടി, താമരശ്ശേരി
ഈ ഏരിയാ കമ്മിറ്റികളില്‍ നിന്നും വരുന്ന വാഹനങ്ങള്‍ മേപ്പയില്‍ ഓവുപാലത്തിന് സമീപം വളണ്ടിയര്‍മാരെ ഇറക്കിയതിന് ശേഷം മേപ്പയില്‍ പച്ചക്കറിമുക്ക് റോഡില്‍ വടക്ക് ഭാഗത്തായി പാര്‍ക്ക് ചെയ്യണം.
ബഹുജനറാലിയില്‍ പങ്കെടുക്കുന്നവര്‍ വരുന്ന വാഹനങ്ങള്‍ ട്രഞ്ചിംഗ് ഗ്രൗണ്ട് റോഡ്, മേപ്പയ്യില്‍ മാക്കൂല്‍ റോഡ്, കൊക്കഞ്ഞാത്ത് റോഡ് എന്നിവിടങ്ങളില്‍ പാര്‍ക്ക് ചെയ്യണം. ബഹുജനറാലിയില്‍ പങ്കെടുക്കുന്നവരുടെ വാഹനങ്ങള്‍ വടകര ടൗണിലേക്കും പൊതുസമ്മേളന നഗരിയിലേക്കും പ്രവേശിക്കരുത്. നിര്‍ദേശിച്ച സ്ഥലങ്ങളില്‍ മാത്രം പാര്‍ക്ക് ചെയ്യണം.
Description: Red volunteer march tomorrow in Vadakara, this is how vehicles should be parked