ആയഞ്ചേരി : ആയഞ്ചേരി പഞ്ചായത്തിലെ തുരുത്തുകളിലും പ്രളയ ഭീതി. എലത്തുരുത്തി, കോതുരുത്തി, വാളാഞ്ഞി ഉൾപ്പെടെയുള്ള താഴ്ന്ന പ്രദേശത്ത് വെള്ളം ക്രമാതീതമായി ഉയരുന്നുണ്ട്. ഇതിന്റെ അടിസ്ഥാനത്തിൽ മാറ്റി താമസിപ്പിക്കേണ്ട മുഴുവൻ വീടുകളിലും താമസിക്കുന്ന കുടുംബാഗങ്ങളുടെ ലിസ്റ്റ് പഞ്ചായത്ത് പ്രസിഡണ്ടിന്റെ അധ്യക്ഷത നടന്ന അടിയന്തര യോ​ഗത്തിൽ തയ്യാറാക്കി.

ഇവരെ ക്യാമ്പുകളിലേക്കും ബന്ധുവീടുകളിലേക്കും മാറ്റാനാണ് തീരുമാനം. കുടുംബങ്ങളെ തോണിയിലാണ് സുരക്ഷിത സ്ഥലത്തെത്തിക്കുക. റഹ്മാനിയ ഹയർ സെക്കണ്ടറി സ്ക്കൂളിലാണ് ക്യാമ്പ് തുറക്കുന്നത്. അരതുരുത്തിയിൽ നിലവിൽ കുടുംബങ്ങലെ മാറ്റിത്താമസിപ്പിക്കേണ്ടതിൻ്റെ ആവശ്യഗത ഇല്ലെന്നും എന്നാൽ അടിയന്തര ആവശ്യം വന്നാൽ ഉപയോ​ഗിക്കുന്നതിന് വേണ്ടി തോണി തയ്യാറാക്കി നിർത്തണമെന്ന് പ്രസിഡണ്ട് യോ​ഗത്തിൽ അറിയിച്ചു.

യോ​ഗത്തിൽ വയനാട് മുണ്ടക്കൈ ഉരുൾപൊട്ടലിൽ മരണമടഞ്ഞവർക്ക് അനുശോചനം രേഖപ്പെടുത്തി. വൈസ് പ്രസിഡണ്ട് ആയിഷ, സ്റ്റാൻ്റിങ്ങ് കമ്മിറ്റി ചെയർമാൻമാരായ വെള്ളിലാട്ട് അഷറഫ്, പി.എം ലതിക, ടി.വി കുഞ്ഞിരാമൻ , വില്ലേജ് ഓഫീസർ മിനി തുങ്ങിയവർ യോ​ഗത്തിൽ സംബന്ധിച്ചു.