വടകര: പുനത്തില്‍ കുഞ്ഞബ്ദുള്ള സ്മാരക ട്രസ്റ്റ് സംഘടിപ്പിക്കുന്ന പുനത്തില്‍ അനുസ്മരണം ‘പുനത്തില്‍ സ്മൃതി’യുടെ ഒരുക്കങ്ങള്‍ അവസാനഘട്ടത്തിലേക്ക്. ഇന്ന് വൈകിട്ട് അഞ്ച് മണിക്ക് വടകര നഗരസഭ സാംസ്‌കാരിക ചത്വരത്തില്‍ കഥാകൃത്ത്‌ ടി.പത്മനാഭന്‍ പരിപാടി ഉദ്ഘാടനം ചെയ്യും.

ഫോട്ടോഗ്രാഫര്‍ വൈക്കം ടി മനോജിന്റെ സ്മാരകശിലകളിലൂടെ എന്ന സാഹിത്യ ഫോട്ടോഗ്രാഫി പുസ്തകത്തിന്റെ പ്രകാശനവും ടി പത്മനാഭന്‍ നിര്‍വ്വഹിക്കും. എം.മുകുന്ദന്‍ പുസ്തകം ഏറ്റുവാങ്ങും.

ചിന്ത പ്രസിദ്ധീകരിക്കുന്ന പുസ്തകം ലളിതകലാ അക്കാദമി അവാര്‍ഡ് നേടിയിട്ടുണ്ട്. ചടങ്ങില്‍ വി.ടി മുരളി അധ്യക്ഷത വഹിക്കും. കാലാവസ്ഥ പ്രതികൂലമെങ്കില്‍ പരിപാടി സമീപത്തെ കേളു ഏട്ടന്‍ – പി ശങ്കരന്‍ സ്മാരകത്തിലേക്ക് മാറ്റുമെന്ന് സംഘാടകര്‍ അറിയിച്ചു.

Description: Punathil Smriti today; Preparations in Vadakara are in final stages