പേരാമ്പ്ര: പേരാമ്പ്രയിൽ സ്വകാര്യ ബസ്സുകൾ കൂട്ടിയിടിച്ച് അപകടം. ഇന്ന് ഉച്ചയ്ക്ക് രണ്ട് മണിയോടെയാണ് സംഭവം. പേരാമ്പ്ര ശിവശക്തി ടയേർസിന് മുൻവശത്ത് വെച്ചാണ് അപകടം ഉണ്ടായത്.

കുറ്റ്യാടി ഭാഗത്തേക്ക് പോകുകയായിരുന്ന സിഗ്മ ബസ് അതേ ദിശയിൽ സഞ്ചരിച്ച ബിടിസി ബസ്സിന് പിറകിൽ ഇടിക്കുകയായിരുന്നു. അപകടത്തിൽ ആർക്കും പരിക്കേറ്റിട്ടില്ല. അപകടത്തിൽ സിഗ്മ ബസ്സിന്റെ മുൻവശത്തെ ചില്ലുകൾ തകർന്നിട്ടുണ്ട്. പോലീസ് സംഭവ സ്ഥലത്തെത്തി രണ്ട് ബസ്സുകളും കസ്റ്റഡിയിലെടുത്തു.