---

കണ്ണൂർ: തലശ്ശേരി-തോട്ടട-കണ്ണൂർ റൂട്ടിൽ ഒക്ടോബര്‍ 22 മുതല്‍ സ്വ​കാ​ര്യ ബസ് സമരം. കണ്ണൂരിൽ നിന്ന് തലശ്ശേരിയിലേക്ക് സർവീസ് നടത്തുന്ന ലിമിറ്റഡ് സ്റ്റോപ്പ് അടക്കമുള്ള ബസുകൾ അന്നേ ദിവസം മുതൽ അനിശ്ചിതകാലത്തേക്ക് സർവീസ് നിർത്തിവെക്കുമെന്ന്‌ ജില്ലാ ബസ് ഓപ്പറേറ്റേഴ്‌സ് കോഡിനേഷൻ കമ്മിറ്റി അറിയിച്ചു. ക​ഴി​ഞ്ഞ ദി​വ​സം ചേ​ർ​ന്ന യോ​ഗ​ത്തി​ലാ​ണ് തീരുമാനം.

കണ്ണൂർ ബൈപ്പാസ് പണി പൂർത്തിയാകുമ്പോൾ കണ്ണൂരിൽ നിന്ന് തോട്ടട-നടാൽ വഴി ഓടുന്ന ബസുകൾക്ക് നേരിട്ട് സർവീസ് റോഡിൽ പ്രവേശിക്കാൻ കഴിയാതെ വരും. ഇതിനാല്‍ ബസുകള്‍ ചാല അമ്പലം വരെ ഓടി തിരിച്ചുവരുമ്പോൾ ഏഴുകിലോമീറ്റർ അധികമാണ്‌ സഞ്ചരിക്കേണ്ടി വരിക. ഇ​ത് സ​മ​യ​ന​ഷ്ട​വും സാ​മ്പ​ത്തി​ക ന​ഷ്ടവും വ​രു​​ത്തി​വെക്കുമെന്നാണ്‌ ബ​സു​ട​മ​ക​ളും തൊ​ഴി​ലാ​ളി സം​ഘ​ട​ന​ക​ളും പ​റ​യുന്നത്‌.

പ്ര​ശ്നം പ​രി​ഹ​രി​ക്കാ​ൻ അധികൃതര്‍ക്ക്‌ നി​ര​വ​ധി ത​വ​ണ നി​വേ​ദ​ന​ങ്ങ​ൾ ന​ൽ​കു​ക​യും ഹൈ​വേ മാ​ർ​ച്ചും ഉ​പ​രോ​ധ​വും ഉ​ൾ​പ്പെ​ടെ ചെയ്തിട്ടും പരിഹാരമാവാത്തതില്‍ പ്രതിഷേധിച്ചാണ് സമരത്തിനിറങ്ങുന്നതെന്നാണ് ബസ് ഉടമകളും തൊഴിലാളി സംഘടനകളും പറയുന്നത്. ക​ഴി​ഞ്ഞ ദി​വ​സം ന​ടാ​ൽ ഗേ​റ്റ​ട​ച്ച സ​മ​യ​ത്തു​ണ്ടാ​യ ഗ​താ​ഗ​ത​ക്കു​രു​ക്കി​ൽ പ്ര​തി​ഷേ​ധി​ച്ച് ഇ​തേ റൂ​ട്ടി​ലോ​ടു​ന്ന ബ​സു​ക​ൾ മു​ന്ന​റി​യി​പ്പി​ല്ലാ​തെ മി​ന്ന​ൽ പ​ണി​മു​ട​ക്ക് ന​ട​ത്തിയിരുന്നു.

യോഗത്തിൽ ജനറൽ കൺവീനർ രാജ്കുമാർ കരുവാരത്ത് അധ്യക്ഷത വഹിച്ചു. കെ.ഗംഗാധരൻ, പി.കെ പവിത്രൻ, കെ.വിജയൻ, ടി.എം സുധാകരൻ, പി.പി മോഹനൻ, പി.വി പദ്മനാഭൻ, പി.സി നാരായണൻ എന്നിവർ സംസാരിച്ചു.

Description: Private bus strike on Thalassery-Thottada-Kannur route from 22