---

കീഴരിയൂര്‍: കീഴരിയൂര്‍ ഗ്രാമ പഞ്ചായത്തില്‍ പോഷണ്‍ അഭിയാന്‍ പദ്ധതിയുടെ ഭാഗമായി ‘പോഷന്‍മാ’ സംഘടിപ്പിച്ചു. പഞ്ചായത്ത് തല പരിപാടിയുടെ ഉദ്ഘാടനം ഗ്രാമ പഞ്ചായത്ത് പ്രസിഡന്റ് കെ.കെ നിര്‍മ്മല നിര്‍വഹിച്ചു.

കുട്ടികള്‍, ഗര്‍ഭിണികള്‍, മുലയൂട്ടുന്ന അമ്മമാര്‍, കൗമാരപ്രായക്കാരായ പെണ്‍കുട്ടികള്‍ തുടങ്ങിയവരിലെ പോഷകസമൃദ്ധി ലക്ഷ്യമിട്ട് നടപ്പിലാക്കുന്ന പദ്ധതിയാണ് പോഷണ്‍ അഭിയാന്‍.

പരിപാടിയുടെ ഭാഗമായി മെഡിക്കല്‍ ക്യാമ്പ്, പോഷകാഹാര പ്രദര്‍ശനം, ന്യൂട്ടീഷ്യന്‍ കൗണ്‍സിലിംഗ്, വളര്‍ച്ച നിരീക്ഷണം, ഹെല്‍ത്ത് സ്‌ക്രീനിംഗ് എന്നിവ സംഘടിപ്പിച്ചു.

വൈസ് പ്രസിഡന്റ് സുനില്‍, ക്ഷേമകാര്യ സ്റ്റാന്‍ഡിങ് കമ്മറ്റി ചെയര്‍മാന്‍ ഐ.സജീവന്‍, പഞ്ചായത്തംഗം ജലജ, മെഡിക്കല്‍ ഓഫീസര്‍ അഷറഫ്, ഐ.സി.ഡി.എസ് സൂപ്പര്‍വൈസര്‍ ഷബ്‌നം, അശ്വതി, സെക്രട്ടറി അന്‍സാര്‍, അസിസ്റ്റന്റ് സെക്രട്ടറി പ്രിയ, ഗീത ടീച്ചര്‍ എന്നിവര്‍ സംസാരിച്ചു.

summary: ‘potion maa’ was organized as part of potion abhiyan project in keezhariyur grama panchayath