ദിവസങ്ങൾക്കുമുമ്പാണ് ഭർത്താവ് ജംഷീറിന്റെ വീട്ടിൽ അഞ്ച് മാസം ഗർഭിണിയായ അസ്മിനയെ തൂങ്ങിമരിച്ച നിലയിൽ കണ്ടെത്തിയത്. സംഭവത്തെത്തുടര്‍ന്ന് നിരവധി പ്രതിഷേധങ്ങളും ആരോപണങ്ങളുമെല്ലാം ഉണ്ടായി. ഭർതൃവീട്ടിൽ വെച്ചുള്ള അസ്മിനയുടെ മരണത്തിൽ അന്വേഷണം നടത്തി പ്രതികളെ ഉടൻ അറസ്റ്റുചെയ്യണമെന്ന് ഇന്നലെ ദേവർ കോവിലിൽ നടന്നബഹുജന കൺവെൻഷനിലും ആവശ്യമുയര്‍ന്നിരുന്നു. ഇതിന് പിന്നാലെയാണ് അറസ്റ്റ്.

ഭര്‍തൃവീട്ടുകാരുടെ നിരന്തരമായ പീഡനത്തെ തുടർന്നാണ് അസ്മിന മരണപ്പെട്ടതെന്ന പരാതി ശക്തമായതിനെത്തുടർന്ന് അസ്മിനയ്ക്ക്‌ നീതി ലഭ്യമാക്കണമെന്നാവശ്യപ്പെട്ട് സർവകക്ഷി രാഷ്ട്രീയ പ്രതിനിധികളുടെയും ബഹുജനങ്ങളുടെയും നേതൃത്വത്തില്‍ ആക്‌ഷൻ കമ്മിറ്റിയും രൂപവല്‍ക്കരിച്ച് പ്രവര്‍ത്തിച്ചു വരുന്നുണ്ടായിരുന്നു.