ആവേകരമായ പോരാട്ടത്തിനൊടുവില്‍ പേരാമ്പ്ര ചലഞ്ചേഴ്‌സ് എഫ്.സിയെ തോല്‍പ്പിച്ച് ചാമ്പ്യന്മാരായി ആവള പൈറേറ്റ് എഫ്.സി; ശ്രദ്ധേയമായി മഡ് ഫുട്‌ബോള്‍
പേരാമ്പ്ര: ഓണാഘോഷത്തോടനുബന്ധിച്ച് നടത്തിയ മഡ് ഫുഡ്‌ബോള്‍ ടൂര്‍ണമെന്റില്‍ ചാമ്പ്യന്മാരായി ആവള പൈറേറ്റ് എഫ്.സി. പേരാമ്പ്ര ചലഞ്ചേഴ്‌സ് എഫ്.സിയെ ഒന്നിനെതിരെ മൂന്ന് ഗോളുകള്‍ക്ക് തോല്‍പ്പിച്ചാണ് പൈറേറ്റ്‌സ് കിരീടം സ്വന്തമാക്കിയത്.
വെങ്ങപ്പറ്റ വേദവ്യാസ ലൈബ്രറിയും ഐക്കോണിക്‌സ് എഫ്.സിയുമാണ് ഓണാഘോഷത്തോട് അനുബന്ധിച്ച് വ്യത്യസ്തമായ മഡ് ഫുട്‌ബോള്‍ ടൂര്‍ണമെന്റ് സംഘടിപ്പിച്ചത്. കോടേരിച്ചാലിന് സമീപമുള്ള വയലില്‍ നടന്ന മത്സരങ്ങള്‍ നാട്ടുകാര്‍ക്കും ആവേശമായി.
എട്ട് ടീമുകളാണ് ടൂര്‍ണമെന്റില്‍ മാറ്റുരച്ചത്. മഡ് ഫുട്‌ബോളിന് പുറമെ കാരംസ്, ചെസ് എന്നീ മത്സരങ്ങളും നടന്നു. ഇന്നും ഓണാഘോഷത്തിന്റെ ഭാഗമായി വിവിധ മത്സരങ്ങള്‍ നടക്കുകയാണ്.