പേരാമ്പ്ര: പേരാമ്പ്ര സബ്ജില്ല കലോത്സവത്തിൽ നാടക മത്സരത്തിൽ പേരാമ്പ്ര ഗവ. യു.പി സ്കൂളിന്റെ നാടകത്തിന് ഒന്നാംസ്ഥാനം. കൊക്കൊ….. കൊക്കക്കൊ എന്ന നാടകമാണ് ജില്ലാ തലത്തിലേക്ക് തെരഞ്ഞെടുക്കപ്പെട്ടത്. ഒന്നാം സ്ഥാനവും എ ഗ്രേഡുമാണ് ടീമിന് ലഭിച്ചത്. കഴിഞ്ഞ തവണയും പേരാമ്പ്ര ഗവ. യു.പി സ്കൂളിലെ നാടകം ജില്ലാ തലത്തിലേക്ക് തെരഞ്ഞെടുക്കപ്പെട്ടിരുന്നു.

കൊക്കൊ….. കൊക്കക്കൊയിലെ അഭിനയത്തിന് ആത്മിക, ജഹനാര എന്നിവർ മികച്ച നടിമാരായും, കാർത്തിക് കൃഷ്ണ മികച്ച നടനായും ഉപജില്ലാ കലോത്സവത്തിൽ തെരഞ്ഞെടുക്കപ്പെട്ടു. ഐഷ റോസ് കല്ല്യാണി , തേജബാല, റോഷൻ പ്രമോദ്, ദർശിക്, അർപ്പിത, ദേവേന്ദു പ്രമോദ്, റിഷിത്ത് എന്നിവരാണ് മറ്റ് അഭിനേതാക്കൾ. മഹേഷ് ചെക്കോട്ടിയാണ് നാടകത്തിന്റെ രചനയും സംവിധാനവും നിർവഹിച്ചത്.