പേരാമ്പ്ര: പുരസ്ക്കാര നിറവിൽ പേരാമ്പ്ര ബ്ലോക്ക് പഞ്ചായത്ത്. സാമൂഹ്യ സുരക്ഷാ പദ്ധതിയിൽ 100 ശതമാനം നേട്ടം കൈവരിച്ച ബ്ലോക്ക് പഞ്ചായത്തിനുള്ള ലീഡ് ബാങ്ക് പുരസ്കാരം പേരാമ്പ്ര ബ്ലോക്ക് പഞ്ചായത്ത് കരസ്ഥമാക്കി. പഞ്ചായത്ത് പ്രസിഡണ്ട് എൻ.പി ബാബു നബാർഡ് കോഴിക്കോട് ഡിവിഷൻ ഹെഡ് രാകേഷിൽ നിന്നും പുരസ്ക്കാരം ഏറ്റുവാങ്ങി.

ലീഡ് ബാങ്കായ കനറാ ബാങ്കാണ് പുരസ്കാരം ഏർപ്പെടുത്തിയത്. ചടങ്ങിൽ ലീഡ് ബാങ്ക് കോഴിക്കോട് ജില്ല ചാർജ് ഓഫീസർ ജ്യോതിസ് , പേരാമ്പ്ര കനറാ ബാങ്ക് മാനേജർ ആതിര , ബ്ലോക്ക് പരിധിയിലെ വിവിധ ബാങ്ക് മാനേജർമാർ എന്നിവർ പങ്കെടുത്തു.