വടകര: ട്രെയിനിന്റെ എഞ്ചിനിൽ കുടുങ്ങി മയിൽ ചത്തു. മം​ഗ്ളൂർ സെൻട്രൽ മെയിലിന്റെ എഞ്ചിനിൽ കുടുങ്ങിയാണ് മയിൽ ചത്തത്. ഇന്ന് രാവിലെ 8.30 ഓടെയാണ് സംഭവം.

ട്രെയിൻ വടകര സ്റ്റേഷനിൽ എത്തിയപ്പോഴാണ് എഞ്ചിനിൽ മയിൽ കുടുങ്ങിയത് ലോക്കോ പൈലറ്റിന്റെ ശ്രദ്ധയിൽപ്പെട്ടത്.ഉടൻ ലോക്കോപൈലറ്റ് ട്രെയിനിൽ നിന്ന് ഇറങ്ങി മയിലിനെ എടുത്ത് മാറ്റുമ്പോഴേക്കും ചത്തിരുന്നു.

കൊയിലാണ്ടിക്ക് ശേഷമാണ് എഞ്ചിനിൽ മയിൽ കുടുങ്ങിയതെന്നാണ് വിവരം. റെയിൽവേ സ്റ്റേഷൻ അധികൃതർ വിവരം അറിയിച്ചതിനെ തുടർന്ന് ഫോറസ്റ്റ് ഉദ്യോ​ഗസ്ഥരെത്തി മയിലിനെ കൊണ്ടുപോയി.