കോഴിക്കോട്: ബസിൽ യാത്രക്കാരന് ക്രൂര മർദനമേറ്റ സംഭവത്തിൽ മറ്റൊരു ബസിലെ ജീവനക്കാരൻ പിടിയിൽ. റംഷാദാണ് പിടിയിലായത്. ഞായറാഴ്ച രാത്രി 9.30ഓടെ മാങ്കാവ് ഭാ​ഗത്ത് വെച്ചാണ് അതിക്രമമുണ്ടായത്. മാങ്കാവ് സ്വദേശി നിഷാദിനാണ് മർദനമേറ്റത്.

ബസ് ജീവനക്കാരനായ റംഷാദും നിഷാദും അടുത്തിരുന്ന് യാത്ര ചെയ്തപ്പോൾ റംഷാദ് നിഷാദിന്റെ തോളിൽ കൈവെച്ച് അമർത്തുകയും ഇത് ചോദ്യം ചെയ്തതിന് മർദ്ദിക്കുകയും ആയിരുന്നു. നിഷാദിന്റെ കൈവശമുണ്ടായിരുന്ന നാലായിരത്തോളം രൂപ തട്ടിയെടുത്തതായും പരാതിയുണ്ട്. സംഭവത്തിന്‍റെ വീഡിയോ സാമൂഹിക മാധ്യമങ്ങളിൽ വ്യാപമായി പ്രചരിച്ചിരുന്നു. പരാതിയുടെ അടിസ്ഥാനത്തിൽ പ്രതി റംഷാദിനെ കസബ പോലീസാണ് കസ്റ്റഡിയിലെടുത്തത്.