മാഹി: മാഹിയിൽ ബാറുകളുടെ പ്രവർത്തന സമയം നീട്ടി. രാവിലെ 8മണി മുതൽ രാത്രി 11 മണി വരെ ഇനി മുതൽ മാഹിയിൽ നിന്നും മദ്യം കിട്ടും. പുതുച്ചേരി ഡെപ്യൂട്ടി കമ്മീഷണറാണ് ഇത് സംബന്ധിച്ച് ഉത്തരവിറക്കിയത്.

ഇതുവരെ 10 മണിക്ക് മദ്യശാലകൾ അടക്കാറായിരുന്നു പതിവ്. ഈ സമയക്രമത്തിനാണ് ഉത്തരവ് വരുന്നതോടെ മാറ്റം വരാൻ പോകുന്നത്. അതേസമയം ഔട്ട്ലെറ്റുകൾ 10 മണിക്ക് അടയ്ക്കും. പുതുച്ചേരിയുടെ ഭാ​ഗമായ മാഹി, പന്തക്കൽ, പള്ളൂർ, കോപ്പാലം എന്നിവിടങ്ങളിലാണ് പുതിയ സമയക്രമം ബാധകം.