എരവട്ടൂർ: അവധിക്കാല ചിത്രരചന-അഭിനയ പരിശീലനത്തിനായി ‘കളി ആട്ടം’ ഏകദിന ക്യാമ്പ് നടത്തി. ചെറുകാട് സ്മാരക ഗ്രന്ഥാലയവും എരവട്ടൂർ ബാലവേദിയുമാണ് ക്യാമ്പ് സംഘടിപ്പിച്ചത്.

പ്രശസ്ത നാടക പ്രവർത്തകൻ ദിലീപ് ശ്രീ ക്യാമ്പും ലിറ്റിൽ തിയ്യറ്റർ ഗ്രൂപ്പിന്റെ ഉദ്ഘാടനവും നിർവ്വഹിച്ചു. ചിത്രകാരൻ റെജികുമാർ മാസ്റ്റർ, നാടക സംവിധായകരായ ഷിനിത് മാളവിക, നിധിൻ മാധവ് ഒഞ്ചിയം എന്നിവർ ക്യാമ്പിന് നേതൃത്വം നൽകി.

ഗ്രന്ഥാലയം സെക്രട്ടറി പികെ.ഉണ്ണികൃഷ്ണൻ, പ്രസിഡൻ്റ് അമ്മത് കോങ്ങോട്, പി.കെ.ഷൈജു, ബാലവേദി സെക്രട്ടറി ലെന ഷൈൻ എന്നിവർ സംസാരിച്ചു. തുടർന്ന് കുട്ടികളുടെ വിവിധ കലാ പരിപാടികൾ അരങ്ങേറി.