ആളൊഴിഞ്ഞ പറമ്പിൽ കഞ്ചാവ് ചെടി; പേരാമ്പ്ര എക്‌സൈസിനെ വിവരമറിയിച്ച് തൊഴിലുറപ്പ് തൊഴിലാളികൾ
പോരാമ്പ്ര: ആളൊഴിഞ്ഞ പറമ്പിൽ കഞ്ചാവ് ചെടി കണ്ടെത്തി. കോരപ്ര- അണ്ടിച്ചേരി താഴെയുള്ള പറമ്പിൽ നിന്നാണ് കഞ്ചാവ് ചെടി കണ്ടെത്തിയത്. ഇവിടെ പണിയെടുക്കുകയായിരുന്ന തൊഴിലുറപ്പ് തൊഴിലാളികളാണ് കഞ്ചാവ് ചെടി കണ്ടത്. തുടർന്ന് എക്‌സൈസ് ഉദ്യോഗസ്ഥരെ വിവരം അറിയിക്കുകയായിരുന്നു.
തൊഴിലുറപ്പ് തൊഴിലാളികൾ ലഹരി വിരുദ്ധ ക്ലാസിൽ പങ്കെടുത്തിരുന്നു. അന്ന് അധികൃതർ പറഞ്ഞ അടയാളങ്ങളാണ് ചെടി തിരിച്ചറിയാൻ സഹായകരമായത്. ഈ പറമ്പിന് തൊട്ടടുത്തൊന്നും വീടുകളില്ല. അൽപം അകലെയായി ഇതര സംസ്ഥാന തൊഴിലാളികൾ താമസിക്കുന്നുണ്ട്.
[mid2]പേരാമ്പ്ര എക്‌സൈസ് സംഘം സ്ഥലത്തെത്തി ചെടികൾ കസ്റ്റഡിയിലെടുത്തു. ഇത് പരിശോധനയ്ക്കായി അയക്കും. എക്‌സൈസ് സർക്കിൾ ഇൻസ്‌പെക്ടർ അശ്വിൻകുമാറിന്റെ നേതൃത്വത്തിൽ ചന്ദ്രൻ കുഴിച്ചാൽ, ബാബു.പി, പ്രകാശൻ തുടങ്ങിയവരാണ് എക്‌സൈസ് സംഘത്തിലുണ്ടായിരുന്നത്.
Summary: Cannabis plant found in vacant field in Keezhariyur