അറബിക് കലോത്സവത്തിൽ കാൽനൂറ്റാണ്ടിലധികമായി തുടരുന്ന ജൈത്രയാത്ര: ഒന്നാം സ്ഥാനം നിലനിർത്തി നൊച്ചാട് ഹയർ സെക്കൻഡറി സ്‌കൂൾ വീണ്ടും ചരിത്രമെഴുതി
പേരാമ്പ്ര: ഉപജില്ല സ്‌കൂൾ കലോത്സവത്തിന്റെ ഭാഗമായുള്ള അറബിക് കലോത്സവത്തിൽ 89 പോയിന്റ് നേടി അറബിക് കലോത്സവത്തിൽ ഓവറോൾ കീരീടം നിലനിർത്തി നൊച്ചാട് ഹയർ സെക്കൻഡറി സ്‌കൂൾ. 25 വർഷമായി അറബിക് കലോത്സവത്തിൽ ഉപജില്ലാ തലത്തിൽ നൊച്ചാട് ഹയർ സെക്കണ്ടറി സ്‌കൂൾ ഈ കിരീടം നിലനിർത്തുന്നുണ്ട്.
പോയിന്റ് നിലയിൽ പേരാമ്പ്ര ഹയർസെക്കൻഡറി സ്‌കൂൾ ഒപ്പമെത്തി ഓവറോൾ കിരീടം പങ്കുവെച്ചെങ്കിലും 19 ഇന മത്സരങ്ങളിൽ ഏഴെണ്ണത്തിൽ ഒന്നാം സ്ഥാനവും മൂന്ന് ഇനങ്ങളിൽ രണ്ടാം സ്ഥാനവും രണ്ട് ഇനങ്ങളിൽ മൂന്നാം സ്ഥാനവും നേടി നൊച്ചാട് ഹൈസ്‌കൂളിന്റെ നേട്ടത്തിന് തിളക്കമേറി.
നൊച്ചാട് ഗ്രാമ പഞ്ചായത്ത് പ്രസിഡണ്ട് ശാരദ പട്ടേരിക്കണ്ടിിയിൽ വിദ്യാർത്ഥികൾക്ക് അവാർഡ് വിതരണം ചെയ്തു. ഹൈസ്‌കൂൾ പ്രധാനധ്യാപിക കെ ബിന്ദു ടീച്ചർ, വി.എം.അഷ്‌റഫ് മാസ്റ്റർ, റഷീദ്.പി.പി, മിസ്ഹബ് കീഴരിയൂർ, സൗമ്യ ടീച്ചർ, സാഹിറ ടീച്ചർ, എന്നിവർ സന്നിഹിതരായി.
