തിരുവനന്തപുരം: പുതുവത്സരാഘോഷം പ്രമാണിച്ച് സംസ്ഥാനത്ത് റെക്കോർഡ് മദ്യവിൽപന. ഇന്നലെ വരെ ഇന്നലെ മാത്രം കേരളം കുടിച്ച് തീർത്തത് 108 കോടിയുടെ മദ്യമാണ്. വിൽപ്പനയിൽ കഴിഞ്ഞ വർഷത്തേക്കാൾ 13 കോടിയുടെ വർധനവുണ്ടായി.

ഡിസംബർ മാസം 22 മുതൽ ഡിസംബർ 31 വരെ 712. 96 കോടി രൂപയുടെ മദ്യം വിറ്റെന്നാണ് ബെവ്കോയുടെ കണക്ക്. കഴിഞ്ഞ വർഷം ഈ സീസണിൽ വിറ്റത് 697.05 കോടിയുടെ മദ്യമായിരുന്നു. പാലാരിവട്ടം ഔട്ട്ലറ്റിലാണ് ഈ വർഷം സംസ്ഥാനത്ത് ഏറ്റവുമധികം മദ്യം വിറ്റത്.

തിരുവനന്തപുരം പവർ ഹൗസ് റോഡ് ഔട്ട്ലറ്റാണ് രണ്ടാംസ്ഥാനത്ത്. ഇടപ്പള്ളി ഔട്ട്ലറ്റിനാണു മൂന്നാം സ്ഥാനം. കൊല്ലം ആശ്രാമം മൈതാനത്തെ ഔട്ട്ലറ്റിലാണ് സാധാരാണ എല്ലാവർഷവും ഏറ്റവും കൂടുതൽ വിൽപ്പന നടക്കാറുള്ളത്. ഇത്തവണ നാലാം സ്ഥാനത്താണ് ആശ്രമം ഔട്ട്ലറ്റ്.