കുരുന്നുകൾക്ക് ഇനി പുതിയ ഫർണ്ണിച്ചറുകൾ; രാമല്ലൂർ ഗവ. എൽ.പി സ്കൂളിന് നൊച്ചാട് പഞ്ചായത്ത് നൽകിയ പതിനാല് ലക്ഷം രൂപയുടെ ഫർണ്ണിച്ചറുകൾ ഏറ്റുവാങ്ങി
രാമല്ലൂർ: രാമല്ലൂർ ഗവ. എൽ.പി സ്കൂളിന് നൊച്ചാട് ഗ്രാമപഞ്ചായത്ത് അനുവദിച്ച 14 ലക്ഷം രൂപയുടെ ഫർണിച്ചറുകൾ ഏറ്റുവാങ്ങി. ഏറ്റുവാങ്ങൽ ചടങ്ങ് ഗ്രാമപഞ്ചായത്ത് പ്രസിഡന്റ് ശാരദ പട്ടേരിക്കണ്ടി ഉദ്‌ഘാടനം ചെയ്തു. വാർഡ് മെമ്പർ പി.എം.കുഞ്ഞിക്കണ്ണൻ അധ്യക്ഷനായി.
സ്റ്റാന്റിങ് കമ്മിറ്റി ചെയർപേഴ്സൺ ഷിജി കൊട്ടാരക്കൽ, പേരാമ്പ്ര ഉപജില്ലാ എ.ഇ.ഒ ലത്തീഫ് കരയത്തൊടി, പി.ഇ.സി ബാബുരാജ്, രാജൻ കെ.പി (എച്ച്.എം ഫോറം), ബഷീർ മാസ്റ്റർ, അനുശ്രീ (ബി.ആർ.സി), സി.ഗംഗാധരൻ മാസ്റ്റർ, ശശി ഗംഗോത്രി, സയീദ് മാസ്റ്റർ, ദേവ്ന ദിയ (സ്കൂൾ ലീഡർ) എന്നിവർ ആശംസകൾ നേർന്നു. പ്രധാനാധ്യാപിക എം.കെ.സിന്ധു ടീച്ചർ സ്വാഗതവും പി.ടി.എ പ്രസിഡന്റ് എൻ.കെ.സ്വപ്നേഷ് നന്ദിയും പറഞ്ഞു.
