അ​ഴി​യൂ​ർ: കു​ഞ്ഞി​പ്പ​ള്ളി​യി​ൽ ദേ​ശീ​യ​പാ​ത നി​ർ​മാ​ണ പ്രവൃത്തികൾ നടക്കുന്നത് പൊ​ലീ​സ് കാ​വ​ലി​ൽ. കഴിഞ്ഞ ദിവസം ദേ​ശീ​യ​പാ​ത വികസന പ്ര​വൃ​ത്തി തടഞ്ഞതി​ന്റെ പ​ശ്ചാ​ത്ത​ല​ത്തി​ലാണ് സ്ഥലത്ത് പൊ​ലീ​സ് കാ​വ​ൽ ഏർപ്പെടുത്തിയത്. വ​ട​ക​ര ഡി​വൈ.​എ​സ്.​പി ആ​ർ. ഹ​രി​പ്ര​സാ​ദ​ന്റെ നേ​തൃ​ത്വ​ത്തി​ൽ നൂറോളം പോലിസുകാരാണ് ഇവിടെ ഡ്യൂട്ടിയിലുള്ളത്. ചോമ്പാല പോലിസ് ഇൻസ്പെക്ടർ സിജു ബികെയ്ക്കാണ് സുരക്ഷാ ചുമതല.

ഇന്ന് കെ എസ് ഇ ബിയുടെ നേതൃത്വത്തിൽ പ്രവൃത്തി നടക്കുന്ന സ്ഥലത്തെ മരങ്ങൾ മുറിച്ച് നീക്കാൻ ആരംഭിച്ചിട്ടുണ്ട്. കു​ഞ്ഞി​പ്പ​ള്ളി പ​രി​പാ​ല​ന ക​മ്മി​റ്റി​യു​ടെ കീ​ഴി​ലു​ള്ള എ​സ്.​എം.​ഐ സ്കൂ​ൾ, കോ​ള​ജ് തു​ട​ങ്ങി​യ​വ​യു​ടെ മ​തി​ലു​ക​ൾ പൊ​ലീ​സ് സാ​ന്നി​ധ്യ​ത്തി​ൽ തി​ങ്ക​ളാ​ഴ്ച പൊ​ളി​ച്ചു​നീ​ക്കി​യി​രു​ന്നു. ഈ ​ഭാ​ഗ​ങ്ങ​ളി​ൽ ഡ്രെ​യി​നേ​ജ് നി​ർ​മാ​ണ​മാ​ണ് ആ​ദ്യം ന​ട​ത്തു​ന്ന​ത്. വൈ​ദ്യു​തി പോ​സ്റ്റു​ക​ൾ മാ​റ്റി​സ്ഥാ​പി​ക്കു​ന്ന പ്ര​വൃ​ത്തി​യും ഇ​തോ​ടൊ​പ്പം ന​ട​ത്തു​ന്നു​ണ്ട്.

കു​ഞ്ഞി​പ്പ​ള്ളി മ​ഖാം ഉ​റൂ​സ് ന​ട​ക്കു​ന്ന​തി​നാ​ൽ 27വ​രെ പ​ള്ളി​യു​ടെ ഭാ​ഗ​ത്തെ നി​ർ​മാ​ണ പ്ര​വ​ർ​ത്ത​ന​ങ്ങ​ൾ നി​ർ​ത്തി​വെ​ക്കാ​ൻ സം​യു​ക്ത സ​മ​ര​സമിതി ക​ല​ക്ട​റോ​ട് ആ​വ​ശ്യ​പ്പെ​ട്ടി​ട്ടു​ണ്ട്. അ​ടി​പ്പാ​ത അ​നു​വ​ദി​ക്കാ​ൻ ആ​വ​ശ്യ​മാ​യ ന​ട​പ​ടി​ക​ൾ സ്വീ​ക​രി​ക്കാ​ൻ പൊ​തു​മ​രാ​മ​ത്ത് മ​ന്ത്രി​യെ​ക്ക​ണ്ട് യാ​ത്രാ​ക്ലേ​ശം സം​ബ​ന്ധി​ച്ച് ച​ർ​ച്ച ന​ട​ത്തും.