നരിപ്പറ്റ: മകളുടെ വിവാഹത്തിന് വേറിട്ട മാതൃകയുമായി നരിപ്പറ്റ ഗ്രാമപഞ്ചായത്ത് പ്രസിഡണ്ടും കുടുബവും. പഞ്ചായത്ത് പ്രസിഡണ്ട് ബാബു കാട്ടാളിയുടെ മകളുടെ വിവാഹത്തോടനുബന്ധിച്ചാണ് പഞ്ചായത്തിലെ കുടുംബാരോഗ്യ കേന്ദ്രം പാലിയേറ്റീവ് പരിചരണ വിഭാഗത്തിലേക്ക് ഓക്സിജൻ കോൺസൻട്രേറ്റർ കൈമാറി.

പഞ്ചായത്ത്‌ പ്രസിഡന്റിന്റെ മകൾ ഡോക്ടർ അനുശ്രീയും വയനാട് കല്പറ്റ ശ്രീതിലകം വീട്ടിൽ അഭിഷേകും തമ്മിലുള്ള വിവാഹമായിരുന്നു. വിവാഹ വേദിയായ വധൂഗൃഹത്തിലൊരുക്കിയ മണ്ഡപത്തിൽവെച്ച് കുടുംബ ആരോഗ്യ കേന്ദ്രം മെഡിക്കൽ ഓഫിസർ ഡോക്ടർ. ഷാരോൺ.എം.എസ്. ഓക്സിജൻ കോൺസൻട്രേറ്റർ ഏറ്റുവാങ്ങി.നാദാപുരം എം.എൽ.എ. ഇ.കെ.വിജയൻ ചടങ്ങിൽ സംബന്ധിച്ചു.

Description: Naripatta grama panchayat president and family with a different model for daughter’s marriage; An oxygen concentrator was handed over to the family health center at the wedding hall