നടുവണ്ണൂര്‍: നടുവണ്ണൂര്‍ വ്യാപാര ഫെസ്റ്റ് 2022 മുഖ്യ സ്‌പോണ്‍സര്‍ക്കുള്ള സ്‌നേഹോപഹാരം ബെല്ല ഫര്‍ണിച്ചറിനു സമ്മാനിച്ചു. വ്യാപാര ഫെസ്റ്റ് സമാപന സമ്മേളനത്തില്‍ കേരള വ്യാപാരി വ്യവസായി ഏകോപന സമിതി ജില്ലാ പ്രസിഡന്റ് അഷ്‌റഫ് മൂത്തേടത്ത് ബെല്ല ഫര്‍ണിച്ചര്‍ മാനേജിംഗ് പാര്‍ട്ണര്‍മാരായ കെ.എം ജലീല്‍, എം.കെ ജലീല്‍ എന്നിവര്‍ക്ക് കൈമാറി.

സമാപനച്ചടങ്ങില്‍ ചന്ദ്രന്‍ വിക്ടറി അധ്യക്ഷനായിരുന്നു. നടുവണ്ണൂര്‍ ഗ്രാമ പഞ്ചായത്ത് പ്രസിഡന്റ് ടി പി ദാമോദരന്‍ മാസ്റ്റര്‍, അജയ് ഗോപാല്‍, കെ.വി.വി.ഇ.എസ് നേതാക്കളായ മനാഫ് കാപ്പാട്, ഷുക്കൂര്‍ പൂനൂര്‍, ഷബീര്‍ നിടുങ്ങണ്ടി, ബൈജു പി.ജി തുടങ്ങിയവര്‍ സംസാരിച്ചു.

സെപ്തംബര്‍ 1 മുതല്‍ ഒക്ടോബര്‍ 31 വരെയായിരുന്നു നടുവണ്ണൂര്‍ വ്യാപാര ഫെസ്റ്റ്.