നാദാപുരം പുളിയാവ് ഗവ.എൽ.പി സ്കൂൾ – പൊമ്പ്ര റോഡ് നാടിന് സമർപ്പിച്ചു; റോഡ് നിർമ്മിച്ചത് ജില്ലാ പഞ്ചായത്ത് വാർഷിക പദ്ധതിയിൽ ഉൾപ്പെടുത്തി
നാദാപുരം: പുളിയാവ് ഗവ.എൽ.പി.സ്കൂൾ – പൊമ്പ്ര റോഡ് നാടിന് സമർപ്പിച്ചു. ജില്ലാ പഞ്ചായത്ത് 2023 – 24 വാർഷിക പദ്ധതിയിൽ ഉൾപ്പെടുത്തിയാണ് റോഡ് നിർമ്മിച്ചത്. ജില്ലാ പഞ്ചായത്ത് പ്രസിഡന്റ് ഷീജ ശശി ഉദ്ഘാടനം നിർവ്വഹിച്ചു. നാദാപുരം ഡിവിഷൻ മെമ്പർ സി.വി.എം നജ്മ അധ്യക്ഷത വഹിച്ചു.
ചെക്യാട് ഗ്രാമ പഞ്ചായത്ത് പ്രസിഡന്റ് നസീമ കൊട്ടാരം മുഖ്യാതിഥിയായി. സ്ഥിരം സമിതി ചെയർമാൻ സുബൈർ പാറേമ്മൽ മുസ്ല കെ.എം, ഒ.വി.കുഞ്ഞമ്മദ്, ടി.കെ മൊയ്തു ഹാജി, ഒ പി അമ്മത് ഹാജി, റഫീഖ് കുനിയിൽ, അമ്മത് വയലോളി, കെ.ഹമീദ്. റാഫി.വി.കെ, അഷ്റഫ് ഒറുവയിൽ , സാബിത്ത് ഒ.വി, ജാബിർ, റജ്നത്ത് കെ തുടങ്ങിയവർ സംസാരിച്ചു.
