പാര്‍ട്ടി ശാക്തീകരണം; കീഴ്പ്പയ്യൂര്‍ വെസ്റ്റ് പള്ളിമുക്കില്‍ മുസ്ലിം ലീഗ് കണ്‍വെന്‍ഷന്‍ സംഘടിപ്പിച്ചു
മേപ്പയ്യൂര്‍: കീഴ്പ്പയ്യൂര്‍ വെസ്റ്റ് പള്ളിമുക്കില്‍ മുസ്ലിം ലീഗ് കണ്‍വെന്‍ഷന്‍ നടത്തി. മുസ്ലിം ലീഗ് മേപ്പയ്യൂര്‍ പഞ്ചായത്ത് കമ്മിറ്റി നടപ്പിലാക്കുന്ന പാര്‍ട്ടി ശാക്തീകരണത്തിന്റെ ഭാഗമായാണ് പരിപാടി സംഘടിപ്പിച്ചത്.
കണ്‍വെന്‍ഷന്‍ മുസ്ലിം ലീഗ് മേപ്പയ്യൂര്‍ പഞ്ചായത്ത് ജനറല്‍ സെക്രട്ടറി ഫൈസല്‍ ചാവട്ട് ഉദ്ഘാടനം ചെയ്തു. മുഹമ്മദ് മലപ്പാടി അധ്യക്ഷനായി.
ഇല്ലത്ത് അബ്ദുറഹിമാന്‍, ടി.എം അബ്ദുല്ല, മുജീബ് കോമത്ത്, കീപ്പോട്ട് ഇസ്മായില്‍, എന്‍.വി സാബിത്ത്, മുഹമ്മദ് കൊളവട്ടുങ്ങല്‍, സിറാജ് പൊയില്‍, മുഹമ്മദ് കൂമുള്ളതില്‍ സംസാരിച്ചു.