വടകര: വിവിധ മേഖലകളില്‍ മികച്ച പ്രകടനം കാഴ്ചവെച്ച മേമുണ്ട ഹയര്‍സെക്കണ്ടറി സ്‌കൂളിലെ വിദ്യാര്‍ത്ഥികള്‍ക്ക് ഇന്ന് സ്വീകരണം നല്‍കും. പിടിഎ, മാനേജ്‌മെന്റ്, വിവിധ രാഷ്ട്രീയ പാര്‍ട്ടികള്‍, ക്ലബുകള്‍ എന്നിവരുടെ നേതൃത്വത്തിലാണ് വിഭജയഭേരി സംഘടിപ്പിക്കുന്നത്. വൈകുന്നേരം 3മണിക്കാണ് പരിപാടി.

ചല്ലിവയല്‍ മുതല്‍ മേമുണ്ട സ്‌കൂള്‍ വരെ വിദ്യാര്‍ത്ഥികളെ ഘോഷയാത്രയായി ആനയിക്കും. തുടര്‍ന്ന് അനുമോദനം നടക്കും. സംസ്ഥാന കായികമേളയില്‍ 19ഉം ശാസ്‌ത്രോത്സവത്തില്‍ 20ഉം സ്‌കൂള്‍ കലാമേളയില്‍ 60ലേറെ വിദ്യാര്‍ത്ഥികളുമാണ് സ്‌കൂളിനെ പ്രതിനിധീകരിച്ച് പങ്കെടുത്തത്.

ചടങ്ങിൽ തോടന്നൂർ ബ്ലോക്ക് പഞ്ചായത്ത് പ്രസിഡണ്ട് പി.എം ലീന, വില്യാപ്പള്ളി പഞ്ചായത്ത് പ്രസിഡണ്ട് കെ.കെ ബിജുള, പഞ്ചായത്ത് വൈസ് പ്രസിഡണ്ട് പി.കെ മുരളി, ജില്ലാ പഞ്ചായത്ത് മെമ്പർ കെ.വി റീന, ബ്ലോക്ക് പഞ്ചായത്ത് മെമ്പർ പി സുബീഷ്, വാർഡ് മെമ്പർ കെ.കെ സിമി, പഞ്ചായത്തംഗം പ്രകാശൻ മാഷ്, മാനേജ്മെൻ്റ് കമ്മിറ്റി അംഗങ്ങൾ, പിടിഎ അംഗങ്ങൾ, വിവിധ രാഷ്ട്രീയ പാർട്ടി പ്രതിനിധികൾ എന്നിവർ പങ്കെടുക്കും.

Description: Higher Secondary School Talent Reception Today