കുറ്റ്യാടി: കേരള ഇലക്ട്രിസിറ്റി എംപ്ലോയിസ് കോൺഫെഡറേഷൻ നാദാപുരം ഡിവിഷൻ കമ്മിറ്റിയുടെ നേതൃത്വത്തിൽ കുറ്റ്യാടി കെ എസ് ഇബി സബ്ബ് ഡിവിഷൻ ഓഫീസിന് മുന്നിൽ പ്രതിഷേധ ധർണ്ണ നടത്തി. മണിയാർ ജലവൈദ്യുതി പദ്ധതി കെ എസ് ഇ ബി ഏറ്റെടുക്കുക, ഇക്ട്രിസിറ്റി വർക്കർ പ്രമോഷൻ ഉടൻ നടത്തുക, നിയമന നിരോധനം പിൻവലിക്കുക,ഡി എ കുടിശ്ശിക അനുവദിക്കുക, മെറ്റീരിയൽസിന്റെ ദൗർ ലഭ്യം പരിഹരിക്കുക തുടങ്ങിയ ആവശ്യങ്ങൾ ഉന്നയിച്ചായിരുന്നു ധർണ.

കേരള ഇലക്ട്രിസിറ്റി എംപ്ലോയിസ് കോൺഫെഡറേഷൻ സംസ്ഥാന വ്യാപകമായി നടത്തുന്ന പ്രതിഷേധ പരിപാടിയായ സമരാഗ്നിയുടെ ബാ​ഗമായാണ് സമരം സംഘടിപ്പിച്ചത്. കുറ്റ്യാടി ബ്ലോക്ക് കോൺഗ്രസ്സ് പ്രസിഡന്റ് ശ്രീജേഷ് ഊരത്ത് ഉദ്ഘാടനം ചെയ്തു. ഡിവിഷൻ പ്രസിഡൻ്റ് പി സുരേന്ദ്രൻ അധ്യക്ഷത വഹിച്ചു. കെ.കെ. രഞ്ജിത്ത് മുഖ്യപ്രഭാഷണം നടത്തി. ടി.വി.പി സുരേഷ് ബാബു ബാബു . കെ ദാമോധരൻ,പി.റഷീദ് കക്കുഴി, ഷിജിത്ത് ചേളന്നൂർ, എ സി ജയേഷ്,എൻ പി. അഷ്റഫ്, വി ടി ജോബ് എന്നിവർ സംസാരിച്ചു.

Description: Dharna led by Kerala Electricity Employees Confederation (INTUC) at Kuttyadi