ഉള്ള്യേരി: ഉള്ള്യേരിയില്‍ അശ്രദ്ധമായി വാഹനമോടിച്ച് നിരത്തിലൂടെ പോയയാളെ നാട്ടുകാര്‍ പിടികൂടി പൊലീസില്‍ ഏല്‍പ്പിച്ചു. ഇയാളെ നാട്ടുകാര്‍ പിന്തുടര്‍ന്ന് ആനവാതിലില്‍ വെച്ച് പിടികൂടുകയായിരുന്നു.

കെ.എല്‍ 57 എസ് 2786 മഹീന്ദ്ര ഥാര്‍ വണ്ടിയാണ് നാട്ടുകാര്‍ പിടികൂടിയത്. മുക്കം ചെറുവാടി സ്വദേശി കളത്തില്‍ നൗഷാദാണ് അറസ്റ്റിലായത്.

ഇയാള്‍ക്കെതിരെ അശ്രദ്ധമായി വാഹനം ഓടിച്ചതിന് സ്വമേധയാ കേസെടുത്തിട്ടുണ്ടെന്ന് അത്തോളി പൊലീസ് കൊയിലാണ്ടി ന്യൂസ് ഡോട് കോമിനോടു പറഞ്ഞു. പ്രതിയെ ജാമ്യത്തില്‍ വിട്ടയച്ചു.

ആനവാതില്‍ അങ്ങാടിയില്‍വെച്ച് നാട്ടുകാര്‍ നൗഷാദിനെ മര്‍ദ്ദിച്ചതായും ആരോപണമുണ്ട്. പ്രതിയെ പിടികൂടി മര്‍ദ്ദിച്ചെന്ന പരാതിയിലും കേസെടുത്തിട്ടുണ്ടെന്ന് പൊലീസ് അറിയിച്ചു.