വടകര: മടപ്പള്ളി ഹയർ സെക്കണ്ടറി സ്കൂൾ വിദ്യാർത്ഥികൾക്ക് തിരിച്ചറിയൽ കാർഡുകൾ വിതരണം ചെയ്ത് പൂർവ്വ വിദ്യാർത്ഥി കൂട്ടായ്മ. പരിപാടിയുടെ ഉദ്ഘാടനവും കാർഡ് വിതരണവും വടകര എം.എൽ.എ കെ.കെ.രമ നിർവഹിച്ചു. പി.ടി.എ പ്രസിഡണ്ട് പി.മനോജൻ അദ്ധ്യക്ഷത വഹിച്ചു.

സ്കൂളിലെ 1980-85 ബാച്ചിലെ ഏതാനും വിദ്യാർത്ഥിനികളുടെ കൂട്ടായ്മയായ “ഒരു വട്ടം കൂടി” യുടെ ആഭിമുഖ്യത്തിലാണ് തിരിച്ചറിയൽ കാർഡുകൾ വിതരണം ചെയ്തത്. വിദ്യാലയത്തിലെ 5 മുതൽ 10 വരെയുള്ള ക്ലാസ്സുകളിലെ 805 വിദ്യാർത്ഥികൾക്കാണ് അവരുടെ സ്കൂൾ തിരിച്ചറിയൽ കാർഡുകൾ തയ്യാറാക്കിയത്.

ചടങ്ങിന് വസന്ത.ഇ.കെ സ്വാഗതം പറഞ്ഞു. എം.ബിന്ദു, ഗീത.ടി.കെ, സവിത.പി.കെ, ഷമിള.കെ.കെ, മുസ്സനാസ്സർ, ജലപ്രഭ എന്നിവർ സംസാരിച്ചു. ശോഭ.ഇ.കെ ചടങ്ങിൽ പങ്കെടുത്തവർക്ക് നന്ദി പറഞ്ഞു.

Summary: Once more they reached the school; Madapally Higher Secondary School Alumni Association distributed identity cards to the students