പേരാമ്പ്ര: സംരംഭകത്വ വര്‍ഷത്തിന്റെ ഭാഗമായി ചക്കിട്ടപാറ ഗ്രാമപഞ്ചായത്ത് ലോണ്‍, ലൈസന്‍സ്, സബ്സിഡി മേള സംഘടിപ്പിച്ചു. പഞ്ചായത്ത് ഹാളില്‍ നടന്ന പരിപാടിയുടെ ഉദ്ഘാടനം പ്രസിഡന്റ് കെ.സുനില്‍ നിര്‍വഹിച്ചു.

പഞ്ചായത്തില്‍ സംരംഭം ആരംഭിക്കുന്നവര്‍ക്ക് ഒരാഴ്ചയ്ക്കുള്ളില്‍ ലൈസന്‍സ് നല്‍കുന്നതിനാവശ്യമായ നടപടികള്‍ സ്വീകരിക്കുമെന്ന് പ്രസിഡന്റ് വ്യക്തമാക്കി. 29 പേര്‍ക്ക് ലോണ്‍ ലഭ്യമാക്കുന്നതിനായി ശുപാര്‍ശ നല്‍കി.

ഇന്‍ഡസ്ട്രിയല്‍ എക്സ്റ്റന്‍ഷന്‍ ഓഫീസര്‍ സി.ലത, ഗ്രാമീണ്‍ ബാങ്ക് ജീവനക്കാരന്‍ മനോജ് കുമാര്‍, താലൂക്ക് റീസോഴ്‌സ്‌പേഴ്‌സണ്‍ കിരണ്‍രാജ് എന്നിവര്‍ ക്ലാസ് എടുത്തു. മേളയില്‍ 48 പേര്‍ പങ്കെടുത്തു.

സ്വർണ്ണാഭരണത്തിന് പകരം മുക്കുപണ്ടംവെച്ചു; ജ്വല്ലറിയിൽ നിന്ന് സ്വർണ്ണം മോഷ്ടിച്ച കേസിൽ കൂത്താളി സ്വദേശിനി ഉൾപ്പെടെ രണ്ട് യുവതികൾ അറസ്റ്റിൽ

Summary: Loan, subsidy, lisence mela held at Chakkitapara panchyat as a part of Entrepreneurship year