‘സോഷ്യലിസ്റ്റുകളുടെ ഏകീകരണം അനിവാര്യമായ ഘട്ടത്തില്‍ എല്‍.ജെ.ഡി-ജെ.ഡി.എസ് ലയനം സ്വാഗതാര്‍ഹം’; നടുവണ്ണൂരില്‍ എം.പി.വീരേന്ദ്രകുമാര്‍ അനുസ്മരണ കുടുംബയോഗം
നടുവണ്ണൂര്‍: എം.പി.വീരേന്ദ്രകുമാറിന്റെ രണ്ടാം ചരമ വാര്‍ഷികത്തോടനുബന്ധിച്ച് എല്‍.ജെ.ഡി കുടുംബസംഗമം നടത്തി. എല്‍.ജെ.ഡി ഊരള്ളൂര്‍ വാര്‍ഡ് കമ്മിറ്റി സംഘടിപ്പിച്ച കുടുംബയോഗം യുവജനതാദള്‍ സംസ്ഥാന വൈസ് പ്രസിഡന്റ് സന്തോഷ് കുറുമ്പൊയില്‍ ഉദ്ഘാടനം ചെയ്തു.
ഇന്ത്യയില്‍ സോഷ്യലിസ്റ്റുകളുടെ ഏകീകരണം അനിവാര്യമായ ഘട്ടത്തില്‍ എല്‍.ജെ.ഡി-ജെ.ഡി.എസ് ലയനം സ്വാഗതാര്‍ഹമാണമെന്ന് സന്തോഷ് കറുമ്പൊയില്‍ പറഞ്ഞു. എം.സുനില്‍ അധ്യക്ഷനായി.
എല്‍.ജെ.ഡി ജില്ലാ സെക്രട്ടറി ജെ.എന്‍.പ്രേംഭാസിന്‍ അനുസ്മരണപ്രഭാഷണം നടത്തി. എം.പ്രകാശന്‍, അഷ്റഫ് വള്ളോട്ട്, കെ.എം.മുരളീധരന്‍, സി.വിനോദ്, പി.സി.നിഷാകുമാരി, വിസ്മയ മുരളീധരന്‍, എം.ഷാജിത്ത്, ടി.പി.സുനി, ഗൗതം സുനില്‍ എന്നിവര്‍ സംസാരിച്ചു.