മനം കവര്‍ന്ന് രചനാ വൈഭവം; ലൈവ് സ്‌കേപ്പ് ചിത്രപ്രദര്‍ശനത്തിന് ചക്കിട്ടപാറയില്‍ തുടക്കമായി
ചക്കിട്ടപാറ: ചക്കിട്ടപാറ ഗ്രാമപഞ്ചായത്ത് നടത്തുന്ന ഗ്രാമോത്സവത്തിന്റെ ഭാഗമായി പേരാമ്പ്ര ആസ്ഥാനമായി പ്രവര്‍ത്തിക്കുന്ന ‘ദക്യാമ്പ്’ പേരാമ്പ്രയിലെ കലാകാരന്മാര്‍ വരച്ച ചിത്രങ്ങളും ഒപ്പം വിവിധ വിദ്യാലയങ്ങളിലെ ചിത്ര പ്രതിഭകള്‍ വരച്ച ചിത്രങ്ങളുമാണ് പ്രദര്‍ശനത്തിനൊരുക്കിയത്.
ചിത്രകല ജനകീയമാക്കുക എന്നആശയത്തില്‍ ദ ക്യാമ്പ് പേരാമ്പ്ര വിവിധ സ്ഥലങ്ങളില്‍ ക്യാമ്പ് ചെയ്തു ചിത്രങ്ങള്‍ വരച്ച് പ്രദര്‍ശിപ്പിക്കുന്നതിന്റെ ഭാഗമായി കഴിഞ്ഞ മാസം ചക്കിട്ടപ്പാറ – നരിനടയില്‍വെച്ച് നടന്ന ലൈഫ്‌സ്‌കേപ്പ് ക്യാമ്പിലെ ചിത്രങ്ങളാണ് ഈ പ്രദര്‍ശനത്തിലുള്ളത്.
ചിത്ര പ്രദര്‍ശനം ചക്കിട്ടപാറ ഗ്രാമപഞ്ചായത്ത് പ്രസിഡണ്ട് കെ.സുനില്‍ ഉദ്ഘാടനം ചെയ്തു, ഗ്രാമ പഞ്ചായത്ത് ആരോഗ്യ സ്റ്റാന്റിംഗ് കമ്മറ്റി ചെയര്‍മാന്‍ ശ്രീജിത്തിന്റെ അധ്യക്ഷതയില്‍ ചേര്‍ന്ന ചടങ്ങില്‍ ചലച്ചിത്ര സംവിധായകന്‍ എ.ജി.രാജന്‍, വി.വി കുഞ്ഞിക്കണ്ണന്‍, ജിതേഷ് മുതുകാട്, കെ.സി രാജീവന്‍, ബിന്ദു സജി, ബിന്ദു വത്സന്‍ , കെ.കെ രാജന്‍ , രഞ്ജിത്ത് പട്ടാണിപ്പാറ, വി.വി ബാബു , ബാബു പുറ്റം പൊയില്‍, ആര്‍ബി. ടെച്ച് എന്നിവര്‍ സംസാരിച്ചു.
ക്യാമ്പ് സെക്രട്ടറി കരുണാകരന്‍ പേരാമ്പ്ര സ്വഗതവും, ദീപേഷ് സ്മൃതി നന്ദിയും പറഞ്ഞു.