ആയഞ്ചേരി: ജീവിത ശൈലീ രോഗങ്ങൾ പലരും തിരിച്ചറിയാൻ കാലതാമസം നേരിടുന്നത് അവസാനിപ്പിക്കാൻ അയൽക്കൂട്ടങ്ങളിൽ ജീവിതശൈലി രോഗ നിർണ്ണയ ക്യാമ്പ് സംഘടിപ്പിച്ച് ആയഞ്ചേരി ഗ്രാമ പഞ്ചായത്ത് മംഗലാട് 13-ാം വാർഡ്. പുലയൻ കുനി മമ്മുവിൻ്റെ വീട്ടിൽ നടന്ന ക്യാമ്പ് വാർഡ് മെമ്പർ എ. സുരേന്ദ്രൻ ഉദ്ഘാടനം ചെയ്തു. ക്യാമ്പിലേക്ക് കൂടുതൽ പേരെ എത്തിക്കുന്നതിന് വേണ്ടി അയൽക്കൂട്ടത്തിലെത്തി പരിശോധന നടത്തുന്നവരിൽ നിന്നും നറുക്കിട്ടെടുത്തവർക്ക് മൺചട്ടി വിതരണം ചെയ്തു.

സിസ്റ്റർ സെലിൻ, ആശാവർക്കർ ടി.കെ റീന, പുലയൻകുനി മമ്മു, അമ്മത് പുലയൻ കുനി, റിയാസ് തേറത്ത്, ചാത്തു മഞ്ചക്കണ്ടി, രാഘവൻ കുന്നിൽ, മോളി പട്ടേരിക്കുനി, ദീപ തിയ്യർകുന്നത്ത്, നഫീസ പുലയൻ കുനി, ജാനു കുന്നിൽ ,രതി പനയുള്ളതിൽ തുടങ്ങിയവർ സംബന്ധിച്ചു.