പേരാമ്പ്ര: അരിക്കുളം ഗ്രാമപഞ്ചായത്തിലെ ഊട്ടേരി ഭാ​ഗത്ത് മണ്ണിടിഞ്ഞു വീണു. ഊട്ടേരി കുന്നോട് ചേർന്ന് കിടക്കുന്ന കിണറുള്ളതിൽ മീത്തൽ ദാമോദരൻ്റെ വീടിന് സമീപത്തായുള്ള കരിങ്കൽ സ്റ്റപ്പിന് മുകളിലെക്ക് മണ്ണിടിഞ്ഞു വിണുകയായിരുന്നു. ഇന്ന് രാവിലെ 11 മണിയോടെയാണ് സംഭവം.

12 ഓളം കുടുംബങ്ങൾ യാത്ര ചെയ്യുന്ന പാതയിലേക്ക് മണ്ണിടിഞ്ഞ് വീഴുകയായിരുന്നു. അപകടസമയത്ത് ആരും കടന്നു പോവാതിരുന്നതിനാൽ ദുരന്തം ഒഴിവായി. സംഭവ സ്ഥലത്തു നിന്ന് മൂന്ന് മീറ്റർ ദൂരത്തിലാണ് ദാമോദരൻ്റെ വീട്. അപകട സാധ്യത കടക്കിലെടുത്ത് കുടുംബത്തെ മറ്റൊരു വീട്ടിലേക്ക് മാറ്റി.

സംഭവസ്ഥലം ഗ്രാമ പഞ്ചായത്ത് പ്രസിഡന്റ് എ.എം.സുഗതൻ മാസ്റ്റർ, വികസന സ്ഥിരം സമിതി ചെയർമാൻ എം.പ്രകാശൻ, ഡെപ്യുട്ടി താഹി സിൽദാർ ബിന്ദു, വില്ലേജ് ഓഫിസർ അഭിലാഷ്, ഉദ്യോഗസ്ഥരായ ജയരാജ്, വിനോൻ, രാജേഷ്, ജിത്തു എന്നിവർ സന്ദർശിച്ചു.

]