ജീവിതശൈലി രോഗനിയന്ത്രണം മുതല്‍ ജീവന്‍ സുരക്ഷാ പരിശീലനം വരെ; ആരോഗ്യ ശുചിത്വ പരിപാലനത്തിന് സമഗ്ര പദ്ധതികളുമായി കുറ്റ്യാടി ഗ്രാമപഞ്ചായത്ത്
കുറ്റ്യാടി: ആരോഗ്യ ശുചിത്വ പരിപാലനത്തിന് സമഗ്ര പദ്ധതികളുമായി കുറ്റ്യാടി ഗ്രാമപഞ്ചായത്ത്. ലഹരി വിരുദ്ധ പ്രചാരണം, മാലിന്യ സംസ്‌കരണം, രോഗ പ്രതിരോധം, ജീവിതശൈലി രോഗനിയന്ത്രണം, പാലിയേറ്റീവ് പരിചരണം, ജീവന്‍ സുരക്ഷാ പരിശീലനം, ശുചിത്വ പരിപാലനം തുടങ്ങി ആരോഗ്യേ സംരക്ഷണ മേഖലയിലെ സമഗ്ര പദ്ധതികള്‍ക്കാണ് പഞ്ചായത്തും ആരോഗ്യവകുപ്പും ചേര്‍ന്ന് രൂപം നല്‍കിയത്.
സംഘാടക സമിതി രൂപികരണ യോഗം ഡോ.ഷാജഹാന്‍ ഉദ്ഘാടനം ചെയ്തു. പഞ്ചായത്ത് പ്രസിഡന്റ് ഒ.ടി നഫീസ അധ്യക്ഷത വഹിച്ചു.
ആരോഗ്യ സ്ഥിരം സമിതി അധ്യക്ഷ സബിന മോഹന്‍, ഡോ.സിന്ധു, ഭക്ഷ്യ സുരക്ഷാ ഓഫീസര്‍ പിജി ഉന്മേഷ്, ഹെല്‍ത്ത് ഇന്‍സ്‌പെക്ടര്‍ ഗോപകുമാര്‍ എന്നിവര്‍ സംസാരിച്ചു. വൈസ് പ്രസിഡന്റ് ടി.കെ മോഹന്‍ദാസ് സ്വാഗതവും പഞ്ചായത്ത് സെക്രട്ടറി ഒ ബാബു നന്ദിയും പറഞ്ഞു.