കെ.എസ്.യു കോഴിക്കോട് ജില്ലാ പ്രസിഡന്റ് വി.ടി സൂരജ് അറസ്റ്റില്‍
പേരാമ്പ്ര: കെ.എസ്.യു ജില്ലാ പ്രസിഡന്റ് വി.ടി സൂരജ് അറസ്റ്റില്‍. പ്രതിഷേധ പ്രകടനങ്ങളില്‍ പങ്കെടുത്തതിന് മുന്‍ കാലത്ത് എടുത്ത കേസുകളിലാണ് അറസ്റ്റ്.
ഇന്ന് രാവിലെ എരവട്ടൂരിലെ വീട്ടിലെത്തിയാണ് പേരാമ്പ്ര പോലീസ് സൂരജിനെ അറസ്റ്റ് ചെയ്തത്.
ഇതില്‍ പ്രതിഷേധിച്ച് കെ.എസ്.യു ജില്ലാ കമ്മിറ്റി പേരാമ്പ്രയില്‍ പ്രകടനം നടത്തി.
സംസ്ഥാന ജനറല്‍ സെക്രട്ടറിമാര്‍ അര്‍ജുന്‍ കറ്റയാട്ട്, സനൂജ് കുരുവട്ടൂര്‍ സംസ്ഥാന കമ്മിറ്റി അംഗങ്ങളായ അര്‍ജുന്‍ പൂനത്ത്, എകെ.ജാനിബ്, നിയോജക മണ്ഡലം പ്രസിഡണ്ട് ആദിത്യ, രാഗിന്‍ ഫായിസ് ,നിയോജകമണ്ഡലം ഭാരവാഹികളായ അഭിമന്യു, അര്‍ജുന്‍, ആദില്‍ മുണ്ടിയത്ത്, ജ്യോതി, അഞ്ജന തുടങ്ങിയവര്‍ നേതൃത്വം നല്‍കി.