തോടന്നൂർ : കേരള സ്കൂൾ ടീച്ചേഴ്സ് അസോസിയേഷൻ തോടന്നൂർ ഉപജില്ല കമ്മിറ്റിയുടെ നേതൃത്വത്തിൽ വിരമിക്കുന്ന അധ്യാപകർക്കുള്ള യാത്രയയപ്പ് സംഘടിപ്പിച്ചു. ലോകനാർക്കാവിന് സമീപത്തെ ഓഡിറ്റോറിയത്തിൽ നടന്ന അധ്യാപക സംഗമം കെ എസ് ടി എ സംസ്ഥാന വൈസ് പ്രസിഡന്റ് പി എസ് സ്മിജ ഉദ്ഘാടനം ചെയ്തു. പൊതുവിദ്യാഭ്യാസ മികവാണ് കേരളത്തിന്റെ സാമൂഹിക വളർച്ചയുടെ അടിത്തറ എന്ന് അവർ അഭിപ്രായപ്പെട്ടു.

സബ്ജില്ലാ പ്രസിഡന്റ് ടി സുരേഷ് ബാബു അധ്യക്ഷനായി. എഴുത്തുകാരായ അധ്യാപകരുടെ സംഗമം, അധ്യാപക കലാ-കായിക പ്രതിഭകൾക്കുള്ള അനുമോദനം, ഇഫ്താർ വിരുന്ന് എന്നിവ പരിപാടിക്കിടയിൽ നടന്നു. പി കെ രാജൻ, ഒ കെ ജിഷ, വി വിപിൻ, കെ എൽ അശ്വന്ത് തുടങ്ങിയവർ സംസാരിച്ചു.

Desciption: KSTA Thodannoor Sub-District Committee organizes send-off for teachers