ക്ഷീരകര്‍ഷകര്‍ക്ക് കൂരാച്ചുണ്ട് ഗ്രാമപഞ്ചായത്തിന്റെ കൈത്താങ്ങ്; വാര്‍ഷിക പദ്ധതിയിലുള്‍പ്പെടുത്തി ക്ഷീരസംഘത്തിന് കൗ ലിഫ്റ്റ് കൈമാറി
കൂരാച്ചുണ്ട്: ക്ഷീരോത്പാദക സഹകരണ സംഘം ഭാരവാഹികള്‍ക്ക് കൗ ലിഫ്റ്റ് കൈമാറി. പഞ്ചായത്തിന്റെ 2022-23 വാര്‍ഷിക പദ്ധതിയിലുള്‍പ്പെടുത്തി വാങ്ങിയ കൗ ലിഫ്റ്റാണ് നല്‍കിയിരിക്കുന്നത്. കൂരാച്ചുണ്ട് പഞ്ചായത്ത് പ്രസിഡന്റ് പോളി കാരക്കടയാണ് ഭാരവാഹികള്‍ക്ക് കൗ ലിഫ്റ്റ് കൈമാറിയത്.
ചടങ്ങില്‍ പഞ്ചായത്ത് വികസനകാര്യ സ്റ്റാന്‍ഡിംഗ് കമ്മിറ്റി ചെയര്‍മാന്‍ ഒ.കെ അമ്മദ് അധ്യക്ഷത വഹിച്ചു. അംഗങ്ങളായ സിമിലി ബിജു, ആന്‍സമ്മ ജോസഫ്, കൂരാച്ചുണ്ട് വെറ്റിനറി സര്‍ജന്‍ ഡോ. കാര്‍ത്തിക, കെവിഎല്‍ഐ ടി.സി ബേസില്‍, സംഘം പ്രസിഡന്റ് ജോര്‍ജ് പൊട്ടുകുളത്തില്‍, സെക്രട്ടറി ബെസ്ലിന്‍ മഠത്തിനാല്‍ എന്നിവര്‍ സംസാരിച്ചു.
