ഓർക്കാട്ടേരി : ലോകസഭാ തിരഞ്ഞെടുപ്പിൽ ജനങ്ങൾ ഇടത് സർക്കാറിന് നൽകിയ മുന്നറിയിപ്പ് ഗൗരവപൂർവം പരിഗണിക്കുമെന്ന് സി പി ഐ കോഴിക്കോട് ജില്ലാ അസിസ്റ്റന്റ് സെക്രട്ടറി അഡ്വ: പി ഗവാസ്. ജനങ്ങളുടെ ആഗ്രഹങ്ങൾക്ക് അനുസരിച്ച് അവശേഷിക്കുന്ന പ്രശ്നങ്ങൾ എല്ലാം പരിഹരിച്ച് സംസ്ഥാന സർക്കാർ മുന്നോട്ട് പോകുമെന്നും അഡ്വ: പി ഗവാസ് പ്രസതാവിച്ചു. സിപിഐ നേതാക്കളായിരുന്ന കെ എം കൃഷ്ണന്റയും ടി പി മൂസ്സയുടേയും ചരമവാർഷികാചരണത്തിന്റെ ഭാഗമായി കുറിഞ്ഞാലിയോട് നടന്ന അനുസ്മരണ സമ്മേളനം ഉദ്ഘാടനം ചെയ്ത് സംസാരിക്കുകയായിരുന്നു അദ്ധേഹം.

കേന്ദ്ര സർക്കാറിന്റെ തികഞ്ഞ സാമ്പത്തിക ഉപരോധത്തെ കേരളം അഭിമുഖീകരിക്കുകയാണ് . വയനാട്ടിന് ധനസഹായം അനുവദിക്കാത്ത കേന്ദ്ര സർക്കാർ നിലപാട് പ്രതിഷേധാർഹമാണ്. കേരളത്തിലെ ജനങ്ങളുടെ യോചിച്ച പ്രതിഷേധം ഉയർന്ന് വരണമെന്നും ​ഗവാസ് പറഞ്ഞു.

സമ്മേളനത്തിൽ സിപിഐ ലോക്കൽ സെക്രട്ടറി കെ കെ രഞ്‌ജീഷ് അധ്യക്ഷത വഹിച്ചു. ആർ ശശി, പി സുരേഷ് ബാബു, ആർ സത്യൻ, അജയ് ആവള, എൻ എം ബിജു, ഇ രാധാകൃഷ്ണൻ, എ കെ കുഞ്ഞികണാരൻ തുടങ്ങിയവർ സംസാരിച്ചു.