തൃശൂർ: വാൽപ്പാറയിൽ കാട്ടാനയുടെ ആക്രമണത്തിൽ പരിക്കേറ്റ വിദേശ പൗരൻ മരിച്ചു. ബ്രിട്ടീഷ് പൗരനായ മൈക്കിളാണ് മരിച്ചത്. ചൊവ്വാഴ്ച വൈകീട്ടായിരുന്നു സംഭവം.

വാൽപ്പാറ-പൊള്ളാച്ചി റോഡിൽ നിലയുറപ്പിച്ച കാട്ടാനയ്ക്ക് പിന്നിലൂടെ ബൈക്കിൽ പോകുകയായിരുന്നു മൈക്കിൾ. ഇതിനിടെ ആന ആക്രമിക്കുകയായിരുന്നു. ബൈക്കിൽ നിന്ന് നിലത്തു വീണ മൈക്കിൾ എണീറ്റുനിന്നപ്പോൾ ആന വീണ്ടും ആക്രമിച്ചു.

​ഗുരുതരമായി പരിക്കേറ്റ മൈക്കിളിനെ പൊള്ളാച്ചിയിലെ ആശുപത്രിയിൽ ചികിത്സയിലിരിക്കെയാണ് മരിച്ചത്.