കണ്ണൂക്കര: മേലെ കണ്ണൂക്കര ഹൈവേ നിർമാണത്തിനായി കെട്ടിയ സുരക്ഷാ ഭിത്തി ഇടിഞ്ഞ് വീണത് ശ്രദ്ദയിൽപ്പെടുത്തിയിട്ടും ദേശീയപാത അധികൃതരെത്താത്തതിനെ തുടർന്ന് ദേശീയപാത ഉപരോധിച്ച് നാട്ടുകാരുടെ പ്രതിഷേധം. രാവിലെ 11 മണിയോട് കൂടിയായിരുന്നു നാട്ടുകാർ ദേശീയ പാത ഉപരോധിച്ചത്. ഇതേ തുടർന്ന് ​ഗതാ​ഗതം ഭാ​ഗികമായി തടസപ്പെട്ടു.

ദേശീയപാത ഉദ്യോ​ഗസ്ഥരും നിർമാണ കമ്പനി ഉദ്യോ​ഗസ്ഥരും സ്ഥലത്തെത്തി. നാട്ടുകാരുമായി സംസാരിച്ചു. പ്രദേശത്തിന്റെ ഭൂപ്രകൃതിക്കനുസരിച്ച് നിർമാണത്തിൽ മാറ്റം വരുത്തുമെന്ന് ഉദ്യോ​ഗസ്ഥർ ഉറപ്പ് നൽകി. തുടർന്ന് നാട്ടുകാർ സമരം അവസാനിപ്പിക്കുകയായിരുന്നു.

അപകട ഭീഷണിയെ തുടർന്ന് ഇവിടെയുള്ള കുടുംബങ്ങളെ മാറ്റി താമസിപ്പിച്ചിരുന്നു. ഒരു കുടുംബത്തെ കൂടി മാറ്റി താമസിപ്പിക്കേണ്ടതുണ്ട്. ഇവരെ പുനരധിവസിപ്പിക്കാനുള്ള നടപടികൾ ചെയ്യുന്നുണ്ടെന്ന് വാർഡ് മെമ്പർ വി പി ​ഗോപാലൻ വടകര ഡോട്ട് ന്യൂസിനോട് പറഞ്ഞു.