കോഴിക്കോട്: വടകര ഉൾപ്പെടെ ജില്ലയിലെ വിവിധ സ്ഥലങ്ങളിൽ താത്ക്കാലിക നിയമനം നടത്തുന്നു. ഒഴിവുകളും യോ​ഗ്യതകളും എന്തെല്ലാമെന്ന് നോക്കാം.

വിവിധ തസ്തികകളില്‍ നിയമനം

വടകര ബ്ലോക്ക്‌ പഞ്ചായത്ത് മടിത്തട്ട് വയോജന പരിപാലന കേന്ദ്രത്തിന്റെ നടത്തിപ്പിന് ജെറിയാട്രിക് കൗണ്‍സിലിങില്‍ ഡിപ്ലോമ ഉള്ളവരെ കരാര്‍ അടിസ്ഥാനത്തില്‍ നിയമിക്കുന്നു. പ്രതിമാസം 7000 രൂപ നൽകും. അപേക്ഷകര്‍ 18-36 വയസ്സിനിടയില്‍ പ്രായമുളളവര്‍ ആയിരിക്കണം. താല്പര്യമുളളവര്‍ ജനുവരി 5 ന് രാവിലെ 10 മണിക്ക് വടകര ബ്ലോക്ക്‌ പഞ്ചായത്തിൽ നടക്കുന്ന കൂടിക്കാഴ്ചയില്‍ അസ്സല്‍ രേഖകള്‍ ഹാജരാക്കണം. കൂടുതൽ വിവരങ്ങള്‍ക്ക്: 0496-2501822

കോഴിക്കോട് ഇംഹാന്‍സിലെ ടെലി മെന്റല്‍ ഹെല്‍ത്ത് പ്രോഗ്രാമില്‍ വിവിധ തസ്തികകളില്‍ യോഗ്യതയുളള ഉദ്യോഗാര്‍ത്ഥികളെ കരാര്‍ അടിസ്ഥാനത്തില്‍ നിയമിക്കുന്നു. അസിസ്റ്റന്റ് പ്രൊഫസര്‍/സീനിയര്‍ കണ്‍സള്‍ട്ടന്റ്(സൈക്യാട്രി), കണ്‍സള്‍ട്ടന്റ്(സൈക്യാട്രി), ക്ലിനിക്കല്‍ സൈക്കോളജിസ്റ്റ്, /സൈക്യാട്രിക് സോഷ്യല്‍ വര്‍ക്കര്‍/സൈക്യാട്രിക് നഴ്‌സിംഗ്, ടെക്‌നിക്കല്‍ കോ ഓര്‍ഡിനേറ്റര്‍/പ്രോജക്ട് കോര്‍ഡിനേറ്റര്‍, ഡാറ്റാ എന്‍ട്രി ഓപ്പറേറ്റര്‍ തസ്തികകളിലാണ് നിയമനം. അപേക്ഷകള്‍ ജനുവരി 5 ന് വൈകുന്നേരം 5 മണിക്ക് മുമ്പായി ഡയറക്ടര്‍, ഇംഹാന്‍സ്, മെഡിക്കല്‍ കോളേജ് (പി.ഒ), 673008 എന്ന വിലാസത്തില്‍ ലഭ്യമാക്കണം. വിവരങ്ങള്‍ക്ക് www.imhans.ac.in