വടകര: മാഹിയിലും വടകരയിലും ബോംബ് സ്ക്വാഡും ഡോ​ഗ് സ്ക്വാഡും പരിശോധന നടത്തി. സ്വാതന്ത്ര്യ ദിനഘോഷത്തോടനുബന്ധിച്ചുള്ള സുരക്ഷാക്രമീകരണത്തിന്റെ ഭാ​ഗമായാണ് കോഴിക്കോട് റൂറൽ ജില്ലാ ബോംബ് സ്‌ക്വാഡ് , ഡോഗ് സ്‌ക്വാഡ് എന്നിവർ സംയുക്തമായി പരിശോധന നടത്തിയത്.

മാഹി, വടകര, കൊയിലാണ്ടി എന്നീ റെയിൽവേ സ്റ്റേഷനുകളിലും വടകര, പയ്യോളി, കൊയിലാണ്ടി ബസ് സ്റ്റാന്റുകൾ, ഇവയുടെ പരിസര പ്രദേശങ്ങൾ തുടങ്ങിയിടങ്ങൾ കേന്ദ്രീകരിച്ചായിരുന്നു പരിശോധന. കോഴിക്കോട് റൂറൽ ബോംബ് സ്ക്വാഡ് ഇൻ ചാർജ് എ എസ് ഐ അഹമ്മദ്, സിപിഒമാരായ ദീപക് , വിനോദ്, സുരേന്ദ്രൻ, രഞ്ജിത്ത് തുടങ്ങിയവർ പരിശോധനയിൽ സംബന്ധിച്ചു.