നാടിന്റെ അഭിമാനയി ഉന്നത പരീക്ഷകളില്‍ വിജയം; തുറയൂരില്‍ വയലോരം സി.യു.സിയുടെ ആഭിമുഖ്യത്തില്‍ വിദ്യാര്‍ത്ഥികള്‍ക്ക് അനുമോദനം
തുറയൂര്‍: വിവിധ പരീക്ഷകളില്‍ ഉന്നത വിജയം നേടിയവരെ ആദരിച്ചു. തുറയൂര്‍ മണ്ഡലം103/ബുത്ത് വയലോരം സി.യു.സിയുടെ ആഭിമുഖ്യത്തിലാണ് വിജയികളെ അനുമോദിച്ചത്. മണ്ഡലം കോണ്‍ഗ്രസ് പ്രസിഡന്റ് ഇ.കെ ബാലകൃഷ്ണന്‍ നമ്പ്യര്‍ ചടങ്ങ് ഉദ്ഘാടനം ചെയ്തു. സി.യു.സി പ്രസിഡന്റ് കെ.പി അബ്ദുള്ള അധ്യക്ഷത വഹിച്ചു.
വിവിധ പരീക്ഷകളില്‍ വിജയിച്ച അഡ്വ. മിഥുന്‍ വള്ളില്‍, നീരജ രാജന്‍ പി. കെ, ശ്രീക്കുട്ടി എം.കെ, എന്നിവര്‍ക്ക് ജില്ലാ പഞ്ചായത്ത് മെമ്പര്‍ ദുല്‍ഖി ഫില്‍ പുരസ്‌കാരം വിതരണം ചെയ്തു.
പഞ്ചായത്ത് മെമ്പര്‍മാരായ ജിഷ മാടായി, എ.കെ കുട്ടിക്കൃഷ്ണന്‍ തുടങ്ങിയവരും റഫീക്ക് പി.പി, ഭാസ്‌കരന്‍ നായര്‍, വി.ദാസന്‍ കാളാശ്ശേരി, നാരായണന്‍ നായര്‍ വി.പി, എന്‍.പി പത്മനാഭന്‍, എം.പി പുഷ്പ എന്നിവര്‍ വിജയികളെ അനുമോദിച്ചു സംസാരിച്ചു.