പുതുപാതയൊരുങ്ങി; ചാള പറമ്പില്‍ മുക്ക്- മരുതേരി കനാല്‍ പാലം റോഡ് ഉദ്ഘാടനം ചെയ്തു
പേരാമ്പ്ര: പേരാമ്പ്ര ഗ്രാമ പഞ്ചായത്ത് പത്താം വാര്‍ഡായ മരുതേരിയില്‍ പുതുതായി നിര്‍മ്മിച്ച ചാള പറമ്പില്‍ മുക്ക് മരുതേരി കനാല്‍ പാലം റോഡ് ഉദ്ഘാടനം ചെയ്തു. പേരാമ്പ്ര ബ്ലോക്ക് പഞ്ചായത്ത് ഫണ്ട് ഉപയോഗിച്ചാണ് റോഡ് നിര്‍മ്മിച്ചിരിക്കുന്നത്.
ഉദ്ഘാടനം ബ്ലോക്ക് പഞ്ചായത്ത് പ്രസിഡന്റ് എന്‍.പി ബാബു നിര്‍വഹിച്ചു. ബ്ലോക്ക് ആരോഗ്യ വിദ്യാഭ്യാസ സ്റ്റാന്റി കമ്മറ്റി ചെയര്‍മാന്‍ ശശികുമാര്‍ പേരാമ്പ്ര അധ്യക്ഷം വഹിച്ചു. ടി രാജന്‍, പി രാഘവന്‍ എന്നിവര്‍ സംസാരിച്ചു. വാര്‍ഡ് മെമ്പര്‍ പി.എം സത്യന്‍ സ്വാഗതവും പി.പി ശാന്ത നന്ദിയും പറഞ്ഞു.
