കോഴിക്കോട്: ക്രിസ്‌മസ്/ പുതുവത്സരത്തോടനുബന്ധിച്ച് അനധികൃത മദ്യം, മയക്കുമരുന്ന് തുടങ്ങിയവയുടെ ഉപയോഗവും* വിപണനവും തടയുന്നതിനായി ജില്ലയിൽ 2025 ജനുവരി 04 വരെ എൻഫോഴ്സ്മെന്റ് പ്രവർത്തനം ശക്തമാക്കും. ഡിസംബർ 09 ആരംഭിച്ച എക്സൈസ് സ്പെഷ്യൽ ഡ്രൈവിൽ ഇതുവരെ 452 റെയ്‌ഡുകളും 22 സംയുക്ത റെയ്‌ഡുകളും (പോലീസ്-6, കോസ്റ്റൽ പേലീസ്-2, ഫോറസ്റ്റ്-3, റെയിൽവേ പ്രൊട്ടക്ഷൻ ഫോഴ്‌സ്-4, റവന്യൂ വകുപ്പ്-1, ഫുഡ് ആൻ്റ് സെഫ്റ്റി വകുപ്പ്-6) 3109 വാഹന പരിശോധനകളും നടത്തിയതായി എക്സൈസ് വിഭാഗം അറിയിച്ചു.

എ.ഡി.എം സി മുഹമ്മദ് റഫീഖിൻ് അധ്യക്ഷതയിൽ ചേർന്ന ജില്ലാതല ജനകീയ കമ്മിറ്റി യോഗത്തിലാണ് ഇക്കാര്യം അറിയിച്ചത്. യോഗത്തിൽ ഡെപ്യൂട്ടി കമ്മിഷണറുടെ ചുമതല വഹിക്കുന്ന അസിസ്റ്റൻ്റ് എക്സൈസ് കമ്മിഷണർ പി എൽ’ഷിബു, ജനപ്രതിനിധികൾ, മദ്യനിരോധന സംഘടനാ ഭാരവാഹികൾ, ഉദ്യോഗസ്ഥർ തുടങ്ങിയവർ പങ്കെടുത്തു. സ്പെഷ്യൽ ഡ്രൈവ് കാലത്ത് 105 അബ്ക്കാരി കേസുകളും 20 എൻ.ഡി.പി.എസ് കേസുകളും 247 കോട്‌പ ആക്ട് പ്രകാരമുള്ള കേസുകളും കണ്ടെത്തുകയും 83 പ്രിതകളെ അറസ്റ്റ് ചെയ്യുകയും ആറ് വാഹനങ്ങൾ പിടിച്ചെടുക്കുകയും ചെയ്‌തു. സ്പെഷ്യൽ ഡ്രൈവ് 2025 ജനുവരി 04 വരെ തുടരും.

എൻഫോഴ്‌സ്മെന്റ് പ്രവർത്തനം ശക്തിപ്പെടുത്തുന്നതിൻ്റെ ഭാഗമായി ജില്ലയിലെ വിവിധ മേഖലകളിലായി സെപ്റ്റംബർ 05 മുതൽ ഇതുവരെ 2418 റെയിഡുകളും 49 സംഭുക്ത പരിശോധനകളും നടത്തി. ഇതിന്റെ ഭാഗമായി 477 അബ്‌കാരി കേസുകളും 105 എൻ.ഡി.പി.എസ്. കേസുകളും 1510 കോട്‌പ നിയമപ്രകാരമുള്ള കേസുകളും കണ്ടെടുക്കുകയും ഈ കേസുകളിൽ ഉൾപ്പെട്ട 402 പ്രതികളെ അറസ്റ്റുചെയ്യുകയും ചെയ്‌തു. ഈ കേസുകളുമായി ബന്ധപ്പെട്ട് 221 ലിറ്റർ ചാരായവും, 1304.530 ലിറ്റർ വിദേശമദ്യവും, 744.075 ലിറ്റർ മാഹി വിദേശമദ്യവും, 12898 ലിറ്റർ വാഷും, 25.350 ലിറ്റർ ബിയർ, 15.500 ലിറ്റർ അനതികൃത മദ്യവും, ഒരു കഞ്ചാവ് ചെടി, 22.417 കിലോഗ്രാം കഞ്ചാവും, 1.366 ഗ്രാം എം.ഡി.എം.എ, മെത്താഫിറ്റമിൻ 268.748 ว๐ (๑-20.058 ( വെള്ളി-111480 ഗ്രാം,പുകയില ഉൽപ്പന്നങ്ങൾ-416.940 കിലോ, ഹാഷിഷ് ഓയിൽ 5.176 ഗ്രാം, മൊബൈൽഫോൺ 6 എണ്ണം, തൊണ്ടിമണിയായി 5350/ രൂപയും, കോട്‌പ ഫൈൻ ഇനത്തിൽ 301800/രൂപയും ഈടാക്കിയിട്ടുണ്ട്.

വിവിധ അബ്‌കാരി, മയക്കുമരുന്ന് കേസുകളിലായി 27 വാഹനങ്ങളും പിടിച്ചെടുത്തു. ഈ കാലയളവിൽ മദ്യത്തിൻ്റെ ഗുണ നിലവാരം പരിശോധിക്കുന്നതിനായി 1003 തവണ വിവിധ ലൈസൻസ്‌ഡ് സ്ഥാപനങ്ങൾ പരിശോധിക്കുകയും, 266 സാമ്പിളുകൾ ശേഖരിച്ച് രാസപരിശോധനയ്ക്ക് അയക്കുകയും ചെയ്തു‌. ഈ കാലയളവിൽ 19796 വാഹനങ്ങൾ പരിശോധിക്കുകയുണ്ടായി. 32 വാഹനങ്ങൾ സർക്കാരിലേക്ക് കണ്ടുകെട്ടി. അന്യസംസ്ഥാന തൊഴിലാളികളുടെ 27 ക്യാമ്പുകളിൽ പരിശോധന നടത്തി. രാസപരിശോധന ഫലത്തിന്റെ അടിസ്ഥാനത്തിൽ കള്ളിൽ സ്റ്റാർച്ചിന്റെ അംശം കണ്ടെത്തിയതിനെ തുടർന്ന് രണ്ട് കള്ള്ഷാപ്പുകൾക്കെതിരെ നിയമപരമായി നടപടി സ്വീകരിച്ചു. മദ്യത്തിൻ്റെ രാസപരിശോധനയിൽ നിർദ്ദിഷ്ട വീര്യത്തിൻ്റെ കുറവുവന്നതിന് ഏഴ് ബാറുകൾക്കെതിരേ നിയമനടപടി സ്വീകരിച്ചു.

ഈ കാലയളവിൽ 1417 ബോധവത്കരണ പരിപാടികൾ നടത്തുകയുണ്ടായി. വിദ്യാർത്ഥികളിൽ മദ്യമയക്കുമരുന്നു വ്യാപനം തടയുന്നതിനായി സ്‌കൂൾ തലത്തിൽ 459 ലഹരി വിരുദ്ധ ക്ലബ്ബുകളും കോളേജ് തലങ്ങളിൽ 94 ലഹരി വിരുദ്ധ ക്ലബ്ബുകളും പ്രവർത്തിക്കുന്നുണ്ട്. എക്സൈസ്. വകുപ്പിൻറെ കീഴിൽ കോഴിക്കോട് ജില്ലയിൽ ബീച്ച് ഹോസ്‌പിറ്റൽ കേന്ദ്രീകരിച്ച് ഒരു ഡി-അഡിക്ഷൻ സെൻ്ററും, പുതിയറയിൽ ഒരു കൗൺസിലിംസെൻ്ററും പ്രവർത്തിക്കുന്നുണ്ട്. ഡി-അഡിക്ഷൻ സെൻ്ററിൽ ഈ കാലത്ത് 700 ആളുകൾ സന്ദർശിച്ചു, 19 പേർ അഡ്‌മിറ്റ് ചെയ്തു, 38 പേർ കൗൺസിലിംഗിന് വിധേയമായമായി.

Summary: In Christmas and New Year celebrations; Inspection of Excise Special Drive is strong in the district