വടകര: പാലയാട് തെരു മഹാഗണപതി – ഭഗവതി ക്ഷേത്രം താലപ്പൊലി മഹോത്സവത്തിന് സമാപനമായി. കാവിറക്കത്തോടെ ഒരാഴ്ചയായി നീണ്ടുനിന്നിരുന്ന ഉൽസവാഘോഷം സമാപിച്ചത്. ഭക്തിസാന്ദ്രമായ അന്തരിക്ഷത്തിൽ ഭഗവതിയുടെ ചോമപ്പൻമാർ ഗുരുതിയോടെയും പാടിത്തേരേറ്റത്തിൻ്റെയും അകമ്പടിയോടെയൊണ് കാവിറങ്ങിയത്.

പാരമ്പര്യ ചടങ്ങായ കാവിറക്കത്തിന് നൂറ് കണക്കിന് ഭക്തജനങ്ങൾ സാക്ഷിയായി. ഫെബ്രുവരി മൂന്നാം തിയ്യതി കൊടിയേറി ഉത്സവത്തിന് നാലാം തിയ്യതി ഭഗവതിയുടെ ചോമപ്പൻമാരുടെ കാവ് കയറ്റത്തോടെയാണ് ആരംഭമായത്. ആ സ്ഥാന ദേവി സന്നിധിയിൽ വെറ്റില വെപ്പ് എന്നീ ചടങ്ങുകൾ നടന്നു.

തെരുവിലെ മാതൃസമിതി വക തിരുവാതിര, നൃത്തനൃത്ത്യങ്ങൾ, ഗാനമേള, ക്ഷേത്രഭജന സമിതി വക ലളിത സഹസ്രനാമ പാരായണം, തിരുവനന്തപുരം സംഘചേതനയുടെ നാടകം “സേതുലക്ഷമി ” എന്നിവയും ഉത്സവാഘോഷത്തിന്റെ ഭാ​ഗമായി അരങ്ങേറി..