വാണിമേൽ: വാണിമേലിൽ ശക്തമായ കാറ്റിലും മഴയിലും കൂറ്റൻ മരങ്ങൾ കടപുഴകി വീണു. ഇന്ന് രാവിലെ ഏഴ് മണിയോടെയായിരുന്നു അപകടം. വാഹനങ്ങൾ കടന്ന് പോയതിന് തൊട്ടുപിന്നാലെയാണ് മരങ്ങൾ റോഡിലേക്ക് കടപുഴകി വീണത്. തലനാരിഴയ്ക്കാണ് അപകടം ഒഴിവായത്.

വാണിമേൽ റോഡിൽ ഏറെ നേരം ​ഗതാ​ഗതം തടസപ്പെട്ടു. നാദാപുരം ഫയർ സ്റ്റേഷനിലെ സീനിയർ ഫയർ റെസ്ക്യൂ ഓഫീസർ ഉണ്ണികൃഷ്ണ്ന്റെ നേതൃത്വത്തിൽ മരങ്ങൾ മുറിച്ചു നീക്കി. ​ഗതാ​ഗതം പുന:സ്ഥാപിച്ചു.

റോഡിന് സമീപത്തെ തെങ്ങ് , തണൽ മരം ഉൾപ്പടെയാണ് റോഡിന് കുറുകേ വീണത്. മരം വീണ് ഇലക്ട്രിക് പോസ്റ്റും തകർന്നിട്ടുണ്ട്. ഇതേ തുടർന്ന് പ്രദേശത്തെ വൈദ്യുത ബന്ധവും തടസപ്പെട്ടു.