ജ്വലിച്ചുയർന്ന് അഗ്നിജ്വാല, ചെങ്കടലായി വടകരയുടെ തെരുവോരങ്ങൾ; പേരാട്ടവീര്യം വിളിച്ചോതി ദീപശിഖ പ്രയാണം
വടകര: അനശ്വരരായ ഒഞ്ചിയം രക്തസാക്ഷികൾ ജീവൻ കൊണ്ട് പ്രതിരോധിച്ചു പിടഞ്ഞുവീണ ചെന്നാട്ട് താഴയിൽ നിന്ന് പകർന്ന അഗ്നിജ്വാല സിപിഐഎം ജില്ലാ സമ്മേളന നഗരിയിയിൽ ജ്വലിച്ചു. ജില്ലാ സെക്രട്ടറിയറ്റംഗം കെ കെ മുഹമ്മദിന് രക്തസാക്ഷി മേനോൻ കണാരന്റെ മകൾ നാണി ദീപശിഖകൈമാറി. ഒഞ്ചിയംരക്ത സാക്ഷി സ്ക്വയറിൽ നിന്നും പ്രയാണമാരംഭിച്ച ജാഥ രക്തസാഷി ഗ്രാമങ്ങളെ ആവേശ ഭരിതമാക്കി.
രക്തസാക്ഷി കുടുംബാംഗങ്ങളും നേതാക്കളും നൂറ്കണക്കിന് പാർട്ടി പ്രവർത്തകരും വളണ്ടിയർമാരും അത്ലറ്റുകളും അണിനിരന്ന ദീപശിഖ റാലി ഒഞ്ചിയത്തിന്റെ വിപ്ലവ വിര്യം വിളിച്ചോതുന്നതായിരുന്നു. കൽ തുറുങ്കിൽ സ്വന്തംരക്തം കൊണ്ട് അരിവാൾ ചുറ്റിക വരച്ചിട്ട മണ്ടോടി കണ്ണന്റെ സമരധീരതയുടെ ഓർമ്മകൾ ജ്വലിക്കുന്ന ഗ്രാമവീഥികളിൽ ജാഥ ആവേശം വിതച്ചു. മുദ്രാ വാക്യം വിളിച്ചും പടക്കം പൊട്ടിച്ചും നാടെങ്ങും ജാഥയ്ക്ക് ഉജ്വല സ്വീകരണമാണ് ലഭിച്ചത്. 
സിപിഐ എം ജില്ലാ സെക്രട്ടറി പി മോഹനൻ ജാഥ ഉദ്ഘാടനം ചെയ്തു. ഏരിയാ സെക്രട്ടറി ടി പി ബിനീഷ് അധ്യക്ഷനായി. ജാഥാ ലീഡർ കെകെ മുഹമ്മദ് സംസാരിച്ചു. സംസ്ഥാന കമ്മറ്റിയംഗം കെകെ ലതിക, ജില്ലാ സെക്രട്ടറിയറ്റംഗങ്ങളായഎം മെഹബൂബ്, കെകെ ദിനേശൻ, പി കെ മുകുന്ദൻ, എം ഗിരീഷ്, ജില്ലാ കമ്മറ്റിയംഗങ്ങളായ പി.കെ ദിവാകരൻ, കെ പുഷ്പജ തുടങ്ങിയവർ പങ്കെടുത്തു. വി ജിനീഷ്സ്വാഗതം പറഞ്ഞു.
ഒഞ്ചിയം ബാങ്ക് പരിസരം, റെയിൽവേ ഗെയിറ്റ്,കണ്ണൂക്കര, മടപ്പള്ളി, നാദാപുരം റോഡ്, കെ ടി ബസാർ,കൈനാട്ടി, ചോറോട്, പെരുവാട്ടും താഴ, സി എം സ്റ്റോപ്പ്, വടകര ടൗൺ തുടങ്ങിയ സ്ഥലങ്ങളിൽ നൂറ്കണക്കിനാളുകൾ അണിനിരന്ന് ജാഥക്ക് വൻ വരവേൽപ്പ് നൽകി.
വിപ്ലവ പാതയിലെ സൂര്യ തേജസായ ഒഞ്ചിയം സമര പാരമ്പര്യം ഊർജ്ജ ശ്രോതസായി ദീപശിഖാ ജാഥ മാറി. ജില്ലാ സെക്രട്ടറിയറ്റംഗം കെ കെ മുഹമ്മദിന് രക്തസാക്ഷി മേനോൻ കണാരന്റെ മകൾ നാണി ദീപശിഖകൈമാറി. ഒഞ്ചിയംരക്ത സാക്ഷി സ്ക്വയറിൽ നിന്നും പ്രയാണമാരംഭിച്ച ജാഥ രക്തസാഷി ഗ്രാമങ്ങളെ ആവേശ ഭരിതമാക്കി. കൽ തുറുങ്കിൽ സ്വന്തംരക്തം കൊണ്ട് അരിവാൾ ചുറ്റിക വരച്ചിട്ട മണ്ടോടി കണ്ണന്റെ സമരധീരതയുടെ ഓർമ്മകൾ ജ്വലിക്കുന്ന ഗ്രാമവീഥികളിൽ ആവേശം വിതച്ചു,അത് ലറ്റ് കൾ റിലേയായി നീങ്ങിയജാഥക്ക് വഴി നീളെ നീളെ ഉജ്വല സ്വീകരണ മൊരുക്കി. മുദ്രാ വാക്യം വിളിച്ചും പടക്കം പൊട്ടിച്ചും ജാഥക്ക് നാടെങ്ങുംഹൃദയാഭിവാദ്യമേകി.
ജില്ലാ സെക്രട്ടറി പി മോഹനൻ ദീപം ജ്വലിപ്പിച്ചു. സി ഭാസ്കരൻ ഏറ്റുവാങ്ങി. ദീപശിഖ റാലി ചടങ്ങ് പൊതുമരാമത്ത് വകുപ്പ് മന്ത്രി മുഹമ്മദ് റിയാസ് ഉദ്ഘാടനം ചെയ്തു. വടകര ഏരിയാ സെക്രട്ടറി ടി പി ഗോപാലൻ അധ്യക്ഷത വഹിച്ചു. കേന്ദ്രകമ്മറ്റിയംഗം പി സതീദേവി, ജില്ലാ സെക്രട്ടറി പി മോഹനൻ, ദീപശിഖജാഥാ ലീഡർ, കെകെ മുഹമ്മദ്, സംസ്ഥാന കമ്മറ്റിയംഗം കെ കെ ലതിക,എ പ്രദീപ് കുമാർ, തുടങ്ങിയവർ സംസാരിച്ചു, ജില്ലാ സെക്രട്ടറിയറ്റംഗം സി ഭാസ്കരൻ സ്വാഗതം പറഞ്ഞു.