കോഴിക്കോട്: വരും ദിവസങ്ങളിൽ ജില്ലയിൽ ചൂട് ശക്തമാകുമെന്നും വരൾച്ചയ്ക്ക് സാധ്യതയുണ്ടെന്നും ദുരന്തനിവാരണ അതോറിറ്റിയുടെ മുന്നറിയിപ്പ്. 30 ഡി​ഗ്രി ചൂടാണ് ബുധനാഴ്ച ജില്ലയിൽ രേഖപ്പെടുത്തിയത്. ഫെബ്രുവരിയിലാണ് ഈ വർഷത്തെ ഏറ്റവും കൂടിയ ചൂട് –- 37 ഡി​ഗ്രി.

കുടുംബശ്രീ പ്രവർത്തകർക്കും വിവിധ തൊഴിലാളികൾക്കും ചൂടിനെ നേരിടാൻ ബോധവൽക്കരണം നൽകും. 450 കിയോസ്കുകളാണ് ജില്ലയിലുള്ളത്. ഇതിൽ ഉപയോ​ഗശൂന്യമായവ ഉടൻ പ്രവർത്തന സജ്ജമാക്കും. കുടിവെള്ളക്ഷാമം പരിഹരിക്കാനും മൃ​ഗങ്ങളെ ചൂടിൽനിന്ന് സംരക്ഷിക്കാനും മറ്റുമുള്ള പ്രവർത്തനങ്ങളുടെ ആസൂത്രണം ഉദ്യോ​ഗസ്ഥതലത്തിൽ നടന്നുവരികയാണ്. അതേസമയം, കേന്ദ്ര കാലാവസ്ഥാ വകുപ്പ് വരും ദിവസങ്ങളിൽ വേനൽ മഴ മുന്നറിയിപ്പ് പുറപ്പെടുവിച്ചു.