കുറ്റ്യാടി: ഒരു മാസത്തോളമായി
ആനുകൂല്യത്തിനായി സെക്രട്ടറിയേറ്റിന് മുമ്പിൽ സമരം നടത്തുന്ന ആശാ വർക്കർമാരോടുള്ള സർക്കാർ സമീപനം ക്രൂരമാണെന്നും, ശക്തമായ സമരത്തിന് മുമ്പിൽ സർക്കാറിന് കീഴടങ്ങേണ്ടി വരുമെന്നും ഡി.സി.സി പ്രസിഡൻ്റ് അഡ്വ: കെ. പ്രവീൺ കുമാർ പറഞ്ഞു. കുറ്റ്യാടി നിയോജക മണ്ഡലം കോൺഗ്രസ് നേതൃതല കൺവെൻഷൻ ഉദ്ഘാടനം ചെയ്ത് പ്രസംഗിക്കുകയായിരുന്നു
അദ്ദേഹം.

ജില്ലാ കോൺഗ്രസ് കമ്മിറ്റി ഓഫിസ് ഉദ്ഘാടനത്തോടുനുബന്ധിച്ച് എപ്രിൽ 5 മുതൽ മെയ് 5 വരെ നടക്കുന്ന
ത്രിവർണ്ണോത്സവം വിജയിപ്പിക്കണമെന്നും അദ്ദേഹം അഭ്യർത്ഥിച്ചു. ബ്ലോക്ക് പ്രസിഡൻ്റ് ശ്രീജേഷ് ഊരത്ത് അധ്യക്ഷത വഹിച്ചു. വി.എം.ചന്ദ്രൻ, കെ.ടി.ജയിംസ്, അഡ്വ:പ്രമോദ് കക്കട്ടിൽ, ഇ.വി.രാമചന്ദ്രൻ, പി.സി.ഷീബ, പി.കെ.സുരേഷ് എന്നിവർ സംസാരിച്ചു.

Summary: ‘Government’s approach towards Asha workers is cruel’; Adv. K. Praveen Kumar at the Congress constituency convention in Kuttiadi