കോഴിക്കോട്: സംസ്ഥാനത്തെ സ്വര്‍ണ്ണ വിലയില്‍ കുറവ്. പവന് ഇന്ന് 200 രൂപയാണ് കുറഞ്ഞത്. ഇത്തരത്തില്‍ ഞായറാഴ്ച്ച ഒഴികെ മൂന്ന് ദിവസങ്ങള്‍ കൊണ്ട് പവന് 2,200 രൂപ താഴ്ന്നിട്ടുണ്ട്. കേരളത്തിലെ വെള്ളി വിലയില്‍ ഇന്ന് കിലോയ്ക്ക് 100 രൂപയുടെ കുറവുമുണ്ടായിട്ടുണ്ട്.

ഇന്ന് ഒരു പവന്‍ സ്വര്‍ണ്ണത്തിന് 66,280 രൂപയും, ഒരു ഗ്രാമിന് 8,285 രൂപയുമാണ് വില. ഇത് ഈ മാസത്തെ താഴ്ന്ന നിരക്കാണ്. ഇക്കഴിഞ്ഞ വെള്ളി, ശനി ദിവസങ്ങളിലായി സംസ്ഥാനത്ത് പവന് 2,000 രൂപയും, ഗ്രാമിന് 250 രൂപയും വില കുറഞ്ഞിരുന്നു.

ഇന്നലെ, ഞായറാഴ്ച്ച വിലയില്‍ മാറ്റമില്ലായിരുന്നു. ഇത്തരത്തില്‍ മൂന്ന് ദിവസം കൊണ്ട് പവന് 2,200 രൂപയും, ഗ്രാമിന് 275 രൂപയുമാണ് സംസ്ഥാനത്ത് വില താഴ്ന്നിരിക്കുന്നത്.